ვაშინგტონში, თურქეთის საელჩოს მიმდებარე ტერიტორიაზე საპროტესტო აქცია გამართეს ქურთმა დემონსტრანტებმა და ერდოღანის ვიზიტის მოწინააღმდეგე ადამიანებმა.

იხილეთ ვიდეო, რომელიც ამერიკის ხმის თურქულმა რედაქციამ გადაიღო და სადაც ჩანს, თუ რა შეტაკებებს აქვს ადგილი დემონსტრანტებსა და პრეზიდენტ ერდოღანის დაცვის წევრებს შორის.

ვიდეოში ჩანს, რომ ერდოღანის დაცვის წევრი ვაშინგტონის ქუჩაში აქტივისტს სცემს.

აშშ-სა და თურქეთის პრეზიდენტების შეხვედრისას სამშაბათს თეთრ სახლში განხილული იყო არაერთი ორმხრივი მნიშვნელობის საკითხი, მათ შორის ტერორიზმთან ბრძოლა. თუმცა არცერთ მხარეს უხსენებია პრეზიდენტ დონალდ ტრამპის გადაწყვეტილება დაეხმაროს ქურთულ ჯგუფებს ე.წ. ისლამურ სახელმწიფოსთან ბრძოლაში.

თურქეთი, რომელიც ქურთ სეპარატისტებს სამხრეთ აღმოსავლეთში 1984 წლიდან ებრძვის, ყოველთვის აცხადებდა თავისი უკმაყოფილების შესახებ ამ დაჯგუფების ( ქურთული საყოველთაო დაცვის ძალები-YPG) მონაწილეობის გამო ანტი-ჯიჰადისტურ კოალიციაში. პრეზიდენტი ერდოღანი ამტკიცებს იმასაც, რომ ამ ჯგუფის კავშირი ქურთისტანის მუშათა პარტიასთან შესაძლებელს ხდის აშშ-ის მიერ სირიელი ქურთებისთვის მიწოდებული იარაღი საბოლოო ჯამში თურქეთში აღმოჩნდეს, ქურთისტანის მუშათა აკრძალული პარტიის ხელში.