ნიო ბოლქვაძემ ამის ამსახველი ფოტო სოციალურ ქსელში გამოაქვეყნა.

რატომ არის მნიშვნელოვანი: ფოტოში ადგილის იდენტიფიცირება რთულია, თუმცა On.ge-სთან საუბარში ის ამბობს, რომ ოკუპანტი ქვეყნის დროშა ჩაქვშია აღმართული.

  • მისივე თქმით, პირები, ვის ეზოშიცაა დროშა, აგრესიულად იყვნენ განწყობილები.

დეტალები: ნიო ბოლქვაძე ამბობს, რომ ადგილზე ფოტოს გადაღება სცადა, რაც ქართულად მოსაუბრე ქალმა შეამჩნია და თანმხლებ პირებს უთხრა.

  • მასთან რუსულად მოსაუბრე ორი კაცი გავიდა და სიტყვიერად დაუპირისპირდა;
  • როგორც ის ამბობს, აგრესიული პირები რუსულად ლანძღავდნენ და გაეკიდნენ;
  • "ქალმა მომაძახა: და რას უზამ ახლა მაგ ფოტოსო", — აღნიშნავს ის.

მისივე თქმით, სურდა პოლიციის გამოძახება, თუმცა ეს არ გააკეთა, რადგან დახმარების იმედი არ ჰქონდა.

  • "ისევ იმათ მხარეს დადგებოდნენ", — ამბობს ის;
  • On.ge მომხდართან დაკავშირებით შსს-ს დაუკავშირდა — უწყების პასუხს მიღებისთანავე შემოგთავაზებთ.