"აგროსფერო — თანამედროვე აგრო-განათლებისთვის" – გიორგი დავლიანიძე "აგროსფეროს" სტიპენდიატი გახდა
გიორგი დავლიანიძე 23 წლისაა. იგი აგრარული უნივერსიტეტის მაგისტრატურის მეორე კურსის სტუდენტია. მანამდე ბაკალავრიატიც აგრარულ უნივერსიტეტში დაამთავრა. დღეს უკვე კომპანია "აგროსფეროს" სტიპენდიატია. იმის შესახებ, თუ რატომ აირჩია გიორგი დავლიანიძემ ეს პროფესია და რას ნიშნავს მისთვის უმსხვილესი აგროკომპანიის სტიპენდიატობა, ინტერვიუში გვესაუბრება.
როდის გადაწყვიტეთ ამ მიმართულების არჩევა მომავალ პროფესიად?
ეს პროფესია გააზრებულად მეცხრე კლასიდან ავირჩიე და 2016 წელს ჯერ ბაკალავრიატში ჩავაბარე აგრარულ უნივერსიტეტში მეღვინეობა–მევენახეობის ფაკულტეტზე, 2020–ში დავამთავრე. იმავე წელს აქვე ჩავირიცხე მაგისტრატურაზე, აგრონომიის მიმართულებით.
რატომ მაინცდამაინც ეს პროფესია – მშობლები ამ სფეროში მოღვაწეობენ, თუ რამ გიბიძგათ ამ დარგისკენ?
ოჯახის არცერთი წევრი პროფესიით ახლოსაც კი არ არის აგრარულ სექტორთან არათუ მშობლები, არც ბებიები და ბაბუები. სულ იურისტები და პედაგოგები არიან. ამ სფეროსკენ უფრო იმან მიბიძგა, რომ ბავშვობიდან მიყვარდა ბუნებასთან ურთიერთობა, მათ შორის სოფლის მეურნეობა და ყოველთვის ვიცოდი, რომ როდესაც გავიზრდებოდი, ამ სფეროში ვიმუშავებდი. სწავლის პერიოდშივე, 18 წლის ასაკიდან დავიწყე მუშაობა აგრარულ უნივერსიტეტში ლაბორატორიაში და დღემდე აქტიურად ვარ ჩართული სამეცნიერო პროექტებში. ჩვენი საქმიანობა მოიცავს კვლევებს, ნიადაგის ნაყოფიერების მართვას და ფერმერებისთვის კულტურების მოვლა–მოყვანაზე რეკომენდაციების მიცემას.
შევიტყვეთ, რომ თქვენ გახდით კომპანია "აგროსფეროს" სტიპენდიატი. რას ნიშნავს ეს თქვენთვის და საერთოდ როგორ შეიტყვეთ ამ ინიციატივის შესახებ?
უნივერსიტეტში მოგვივიდა ინფორმაცია, რომ ტარდებოდა ასეთი კონკურსი. ჩვენი სტუდენტებისთვის ასეთი შესაძლებლობა პირველი იყო, რომელსაც კერძო კომპანია კერძო უნივერსიტეტში გვთავაზობდა. მთავარი მოთხოვნა იყო აკადემიური მოსწრება და ამის შემდეგ გავიარეთ გასაუბრება. ამ გასაუბრების შემდეგ გამოგვავლინეს ის სტუდენტები, თუ არ ვცდები სულ 3 სტუდენტი ვართ, ვინც "აგროსფეროს" სტიპენდიატები გავხდით.
თქვენთვის, როგორც მაგისტრატურის სტუდენტისთვის, რას ნიშნავს, იყოთ სტიპენდიატი?
თავისთავად, ეს ძალიან კარგი ფაქტია. ჩვენი სწავლის პერიოდში პირველად მოხდა, რომ კერძო კომპანიას კერძო უნივერსიტეტში დაგვინიშნა სტიპენდია. ეს ჩემთვის პირადად კიდევ ერთი მაგალითია იმის, რომ შრომა ფასდება და უფრო თავდაჯერებული გავაგრძელებ სწავლას და მუშაობას.
კერძო სექტორის მხრიდან ასეთი პროექტებით მხარდაჭერა აგრარული დარგის სტუდენტებისთვის რამდენად გაზრდის აბიტურიენტების დაინტერესებას ამ მიმართულებით?
არ ვიცი, რამდენად ჩააბარებენ აქ მხოლოდ იმის გამო, რომ სტიპენდია შეიძლება მიიღონ, მაგრამ ვისაც გადაწყვეტილი აქვს უკვე ამ მიმართულების არჩევა და მითუმეტეს იმ სტუდენტებისთვის, რომლებიც უკვე სწავლობენ ამ საქმეს, კარგი წინაპირობაა სტიმულის ასამაღლებლად მეტი ინტერესი გაუჩნდებათ. ზოგადად, ძალიან კარგია, როდესაც ისეთი კომპანია, როგორიცაა "აგროსფერო", დებს ინვესტიციას განათლებაში. კომპანიის შესახებ მანამდე მქონდა გარკვეული ინფორმაცია იგივე ფერმერებისგან, ვისთანაც გვიწევს თანამშრომლობა. თუმცა, როდესაც კომპანიაში მივედით, აღფრთოვანებული დავრჩი და ძალიან მიხარია, როდესაც საქართველოში ვხედავ კომპანიას, რომელიც მაღალი დონის მომსახურებას სთავაზობს ფერმერს.
სად ხედავთ თქვენ თავს უნივერსიტეტის დამთავრების შემდეგ?
ალბათ, უფრო სტაბილური საქმიანობა მექნება, საკუთარი წარმოების შექმნას ვგეგმავ მევენახეობა–მეღვინეობის მიმართულებით. ეს იქნება ჩემი ბიზნესი რაჭაში, სადაც მაქვს კარგი მიწის ნაკვეთი მევენახეობისთვის და გაფართოებასაც ვაპირებ. ვფიქრობ, არა მხოლოდ ალექსანდროულის მოყვანაა საინტერესო, რომლისგანაც ნახევრად ტკბილი ღვინო დგება, არამედ კიდევ უფრო მეტი პოტენციალის ათვისება, რომელიც რაჭაში არსებობს. მაგალითად, ძალიან საინტერესო ადგილწარმოშობის ვაზის ჯიშები არსებობს, რომლებისგანაც მშრალი ღვინოები დგება. ასეთი საინტერესო მეურნეობის გასამართად რესურსიც არსებობს უკვე ქვეყანაში სხვადასხვა პროგრამების სახით, მათ შორის ზოგიერთი საგრანტო პროგრამაა, ზოგიც შეღავათიანი კრედიტის სახით გაიცემა და ვფიქრობ, მიზანს აუცილებლად მივაღწევ.
სამეცნიერო საქმიანობაში პრაქტიკულად სწავლის დაწყებიდან ჩაერთეთ. ხომ არ ფიქრობთ, რომ ამ მიმართულებისთვისაც დაგრჩებათ მომავალში დრო?
რა თქმა უნდა, უკვე 5-წლიანი სტაჟი დამიგროვდა სამეცნიერო საქმიანობის და ამ მიმართულებით აუცილებლად გავაგრძელებ გარკვეულ საქმიანობას. თუმცა, საქართველოში ჯერ კიდევ არ არის ისეთი ვითარება, რომ სამეცნიერო საქმიანობით უზრუნველყო ოჯახი და ცხოვრების ხარისხი. ამიტომ პარალელურად აუცილებლად განვავითარებ საკუთარ ბიზნესს.
-
გადახედვალევან ხაბეიშვილი ნაცემია — ენმ აცხადებს, რომ პარტიის ლიდერი ბიძინა ივანიშვილის პირადი დავალებით გაიტაცეს ლევან ხაბეიშვილი ნაცემია — ენმ აცხადებს, რომ პარტიის ლიდერი ბიძინა ივანიშვილის პირადი დავალებით გაიტაცეს
-
გადახედვააქციის მორიგი დარბევა რუსთაველზე — რუსული კანონის მოწინააღმდეგეების დაშლას სპეცრაზმი კვლავ ჭავლითა და ცრემლსადენი გაზით ცდილობს აქციის მორიგი დარბევა რუსთაველზე — რუსული კანონის მოწინააღმდეგეების დაშლას სპეცრაზმი კვლავ ჭავლითა და ცრემლსადენი გაზით ცდილობს
-
გადახედვაპრეზიდენტი: სირცხვილია ახალგაზრდობას დაუპირისპირდე, სირცხვილია, სარწმუნოებაზე რომ აპელირებ და ძალადობას ახალისებ, ვნების კვირის დროს პრეზიდენტი: სირცხვილია ახალგაზრდობას დაუპირისპირდე, სირცხვილია, სარწმუნოებაზე რომ აპელირებ და ძალადობას ახალისებ, ვნების კვირის დროს
-
გადახედვასპეცრაზმი, მშვიდობიანი აქციის მონაწილეების წინააღმდეგ, კვლავ წყლის ჭავლს და ცრემლსადენ გაზს იყენებს სპეცრაზმი, მშვიდობიანი აქციის მონაწილეების წინააღმდეგ, კვლავ წყლის ჭავლს და ცრემლსადენ გაზს იყენებს
-
გადახედვასაია: საქართველოს პარლამენტთან აქციის დარბევა უკანონოა საია: საქართველოს პარლამენტთან აქციის დარბევა უკანონოა
-
გადახედვარუსული კანონის საწინააღმდეგო აქციის მონაწილეებმა იუსტიციის სახლთან გზა გადაკეტეს რუსული კანონის საწინააღმდეგო აქციის მონაწილეებმა იუსტიციის სახლთან გზა გადაკეტეს
-
გადახედვამოვუწოდებთ სპეციალურ საგამოძიებო სამსახურს, გამოიძიოს პოლიციელთა მიერ ჩადენილი სავარაუდო დანაშაულები — TI მოვუწოდებთ სპეციალურ საგამოძიებო სამსახურს, გამოიძიოს პოლიციელთა მიერ ჩადენილი სავარაუდო დანაშაულები — TI
-
გადახედვასპეცრაზმი მშვიდობიან მოქალაქეებს წყლის ჭავლის გამოყენებით შლის სპეცრაზმი მშვიდობიან მოქალაქეებს წყლის ჭავლის გამოყენებით შლის
-
გადახედვა"აქცია გახდა ძალადობრივი, ვიწყებთ კანონმდებლობით გათვალისწინებული ღონისძიების განხორციელებას" — შსს-ს განცხადება "აქცია გახდა ძალადობრივი, ვიწყებთ კანონმდებლობით გათვალისწინებული ღონისძიების განხორციელებას" — შსს-ს განცხადება
-
გადახედვასპეცრაზმი დემონსტრანტებს დამიზნებით ესვრის გაზის კაფსულებს, მედიის ცნობით, ისროლეს რეზინის ტყვიებიც სპეცრაზმი დემონსტრანტებს დამიზნებით ესვრის გაზის კაფსულებს, მედიის ცნობით, ისროლეს რეზინის ტყვიებიც
-
გადახედვაზაზა სარალიძე: მთელი საქართველო დავდგეთ ფეხზე ამ რუსული რეჟიმის წინააღმდეგ! ზაზა სარალიძე: მთელი საქართველო დავდგეთ ფეხზე ამ რუსული რეჟიმის წინააღმდეგ!
-
გადახედვამშვიდობიანი დემონსტრანტების ძალის გამოყენებით დაშლის შემდეგ, შსს კიდევ ერთ განცხადებას ავრცელებს მშვიდობიანი დემონსტრანტების ძალის გამოყენებით დაშლის შემდეგ, შსს კიდევ ერთ განცხადებას ავრცელებს
-
გადახედვაპოლიციამ რამდენჯერმე გამოიყენა წიწაკის სპრეი პარლამენტთან, მშვიდობიანი მოქალაქეების წინააღმდეგ პოლიციამ რამდენჯერმე გამოიყენა წიწაკის სპრეი პარლამენტთან, მშვიდობიანი მოქალაქეების წინააღმდეგ
-
გადახედვაპარლამენტთან დაძაბულობაა, პოლიციას მშვიდობიანი დემონსტრანტები ძალით გაჰყავს პარლამენტთან დაძაბულობაა, პოლიციას მშვიდობიანი დემონსტრანტები ძალით გაჰყავს
-
გადახედვაპარლამენტთან მიმდინარე პროტესტთან დაკავშირებით შსს განცხადებას ავრცელებს პარლამენტთან მიმდინარე პროტესტთან დაკავშირებით შსს განცხადებას ავრცელებს
-
გადახედვაპარლამენტმა ცესკოს თავმჯდომარე 5 წლის ვადით აირჩია პარლამენტმა ცესკოს თავმჯდომარე 5 წლის ვადით აირჩია
-
-
გადახედვარამდენად ჭკვიანები იყვნენ ტირანოზავრები — კვლევა რამდენად ჭკვიანები იყვნენ ტირანოზავრები — კვლევა
-
გადახედვაახალი კვლევის თანახმად, ემოციური აღგზნებისას ქათმებიც წითლდებიან ახალი კვლევის თანახმად, ემოციური აღგზნებისას ქათმებიც წითლდებიან
-
-
კომენტარები