"საუბარს არ ვაპირებ" — ასე უპასუხა ზურაბ აბაშიძემ On.ge-ს კითხვაზე, გეგმავდა თუ არა მის კოლეგასთან, გრიგორი კარასინთან დიმიტრი მედვედევის პოსტზე საუბარს.

რატომ არის მნიშვნელოვანი: ზურაბ აბაშიძე რუსეთთან ურთიერთობის საკითხებში პრემიერმინისტრის სპეციალური წარმომადგენელია.

  • 2 აგვისტოს ღამეს რუსეთის ფედერაციის უშიშროების საბჭოს თავმჯდომარის მოადგილემ, დმიტრი მედვედევმა VKontakte-ში ედვედევმა მორიგი იმპერიალისტური და კომუნისტური აბსურდი დაპოსტა და წაშალა.
  • მედვედევი ამტკიცებს, რომ რუსეთთან შეერთებამდე საქართველო, რომელსაც ოკუპანტ ქვეყანაზე დიდი ისტორია აქვს, საერთოდ არ არსებობდა.

დეტალები: მედვედევს პოსტის შინაარსზე კომენტარი არ გაუკეთებია, მისი თანაშემწე კი ამტკიცებს, თითქოს უშიშროების საბჭოს მაღალჩინოსანს ანგარიში გაუტეხეს და ეს სიტყვები დაუპოსტეს.

  • თუმცა ეს რთული დასაჯერებელია იმის ფონზე, რომ სსრკ-ს დაშლა აწ უკვე წაშლილ პოსტში "საბედისწერო შეცდომადაა" მოხსენიებული და როგორც ცნობილია, მისი პრეზიდენტიც ამ აზრზეა.

აბაშიძემ კითხვაზე, რა კომენტარს გააკეთებდა მედვედევის პოსტზე გვიპასუხა — "თვითონ უარყვეს".