რუსეთის უზენაესი სასამართლოს გადაწყვეტილება ჯერ არ შესულა ძალაში და შეიძლება გასაჩივრდეს სააპელაციო ინსტანციაში.

რატომ არის მნიშვნელოვანი: აზოვის მოხალისეობრივი ბატალიონი 2014 წელს შეიქმნა, მოგვიანებით კი უკრაინის რეგულარული არმიის ნაწილად იქცა.

  • რუსეთმა აზოვის მებრძოლთა ნაწილი ტყვედ მაისში აიყვანა. ისინი მარიუპოლში აზოვსტალის ქარხანას იცავდნენ.

რუსეთის სასამართლოს გადაწყვეტილებით, აზოვის დამაარსებლებსა და ლიდერებს 15-დან 20 წლამდე პატიმრობა და 1 მილიონი რუბლის ოდენობის ჯარიმა მიესჯებათ, რიგით წევრებს 5-დან 10 წლამდე პატიმრობა და 500 000 რუბლის ოდენობის ჯარიმა.

  • როგორც კრემლისტური მედია TASS წერს, რუსეთის სასამართლო სასჯელისგან ათავისუფლებს მათ, ვინც აზოვის პოლკი გამოძიების დაწყებამდე ნებაყოფლობით დატოვა.

აზოვი აზოვი წერს, რომ რუსეთი სასამართლოს ამ გადაწყვეტილებით ეძებს ახალ საბაბს და ახსნას მათ მიერ ჩადენილი ომის დანაშაულებისთვის.

  • აცხადებენ, რომ ქვეიმპერია, რომელიც ყოველდღე ემუქრება მსოფლიოს ბირთვული იარაღით განადგურებით, ერთხელ და სამუდამოდ უნდა დაისაჯოს.
  • "მოვუწოდებთ აშშ-ს სახელმწიფო დეპარტამენტს და სხვა სახელმწიფოების უფლებამოსილ ორგანოებს, რომლებიც თავს ცივილიზებულად თვლიან, აღიარონ რუსეთის ფედერაცია ტერორისტულ სახელმწიფოდ".
  • "რუსეთის არმია და სპეცსამსახურები ყოველდღიურად სჩადიან სამხედრო დანაშაულებს. ამ დანაშაულების თანხმობა ან დუმილი თანამონაწილეობაა".
  • "მთელი მსოფლიო უნდა გაერთიანდეს ტერორისტული სახელმწიფოს წინააღმდეგ".

არქივიდან: 29 ივლისს აფეთქდა კოლონია, სადაც რუსებს უკრაინელი ტყვეები ჰყავდათ, მათ შორის აზოვიდან. ადგილზე 193 ადამიანი იყო, დაბომბვას 53 უკრაინელი ჯარისკაცის სიცოცხლე ემსხვერპლა, 75 კი დაშავდა.