ოლეკსი ვადატურსკი დაბომბვისას ცოლთან ერთად საკუთარ სახლში იმყოფებოდა — თავდასხმისას მისი ცოლიც დაიღუპა.

რატომ არის მნიშვნელოვანი: უკრაინის პრეზიდენტის ადმინისტრაციის უფროსის მრჩეველი მიხაილო პოდოლიაკი ამბობს, რომ ეს განზრახ მკვლელობა იყო.

  • ბატონი ვადატურსკი ფლობდა კომპანია Nibulon-ს, რომელიც მარცვლეულის ექსპორტში მონაწილეობს.
  • 2007 წელს ბიზნესმენმა მიიღო უკრაინის გმირის წოდება აგროინდუსტრიის გაძლიერებაში შეტანილი წვლილისთვის.

პოდოლიაკის თქმით, რაკეტამ ზუსტი დაარტყა არა მხოლოდ მის სახლს, არამედ კონკრეტულად საძინებლის ფრთას. აღნიშნავს, რომ ვადატურსკი იყო კონკრეტული სამიზნე.

  • "რუსი ბარბაროსები აგრძელებენ ტერორის კამპანიას, ცდილობენ დააშინონ და გატეხონ უკრაინული საზოგადოება".
  • "ის იყო უკრაინის გმირი, სახელმწიფოს თავდადებული, თავისი საქმის ფანატიკოსი და უკრაინული ბიზნესის ლეგენდა".

ნიკოლაევის სამხედრო ადმინისტრაციის ხელმძღვანელის, ვიტალი კიმის განცხადებით, ვადატურსკიმ ბევრი გააკეთა ნიკოლაევის ოლქისთვის, უკრაინისთვის.

  • "ფასდაუდებელია მისი წვლილი სოფლის მეურნეობისა და გემთმშენებლობის მრეწველობის განვითარებაში".

ბიზნესმენი 2021 წელს Forbes-ის მიხედვით უმდიდრეს უკრაინელებს შორის 24-ე ადგილზე იყო. მისი ქონება 430 მილიონ დოლარად იყო შეფასებული.