კითხვაზე, როგორ შეაფასებდით საქართველოს მართლმადიდებლური ეკლესიის საქმიანობას, 14 პროცენტი პასუხობს, რომ ძალიან კარგად. NDI მისი უახლესი კვლევის მონაცემებს აქვეყნებს.

გამოკითხულთა 44 პროცენტი, საქართველოს მართლმადიდებლური ეკლესიის საქმიანობას კარგად აფასებს, 23% საშუალოდ, 6% ცუდად, ხოლო 1% - ძალიან ცუდად.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.