ამის შესახებ ინფორმაცია დედამიწის შემსწავლელ მეციერებათა ინსტიტუტმა გაავრცელა.

რატომ არის მნიშვნელოვანი: მიწისძვრები სოფელ სამებასთან და საქართველო-სომხეთის სასაზღვრო ზოლთან ბოლო ერთი საათის განმავლობაში დაფიქსირდა.

  • უკანასკნელ პერიოდში ამ ტერიტორიებზე რამდენიმე 3-4 მაგნიტუდის სიმძლავრის მიწისძვრა მოხდა.

დეტალები: ინსტიტუტის ცნობით, პირველი ძვრები სოფელ სამებასთან 07:36 საათზე იყო და მან 4,8 მაგნიტუდი შეადგინა.

ფართო სურათი: ყოველწლიურად ჩვენს პლანეტაზე დაახლოებით 100 000-მდე მიწისძვრა აღირიცხება, მაგრამ მათი აბსოლუტური უმრავლესობა იმდენად სუსტია, რომ მათ მხოლოდ სპეციალური ინსტრუმენტები (სეისმოგრაფი) აფიქსირებენ;

  • მიწისძვრა ძირითადად, ტექტონიკური პროცესებით არის გამოწვეული;
  • მიწისძვრის კერა დედამიწის წიაღის იმ უბანს წარმოადგენს, სადაც ქანებში დიდი ხნის განმავლობაში დაგროვილი ენერგიის განტვირთვა ხდება.