ამის შესახებ უკრაინის გენერალურმა პროკურორმა, ირინა ვენედიქტოვამ BBC-ს განუცხადა.

რატომ არის მნიშვნელოვანი: რუსეთმა უკრაინაში ომის დანაშაული არაერთხელ ჩაიდინა. მათ შორის, ყველაზე გახმაურებული ბუჩა და მარიუპოლი იყო.

  • ქვეყანაში ნაპოვნია არაერთი მასობრივი საფლავი. გამოძიებული და დადგენილია ომის დანაშაულის არაერთი ფაქტიც.
  • ოკუპანტები ბომბავენ ადგილებს, სადაც თავს მშვიდობიანი მოსახლეობა აფარებს.
  • Amnesty International აცხადებს, რომ რუსეთი უკრაინაში საერთაშორისო ჰუმანიტარულ სამართალს არღვევს.

ვენედიქტოვას თქმით, ბევრი სასამართლო პროცესი, შესაძლოა, დაუსწრებლად წარიმართოს, თუმცა, სასამართლო პროცესების ჩატარება სამართლიანობის საკითხია.

  • "ძალიან მნიშვნელოვანია, რომ რუსმა სამხედროებმა, რომლებმაც გადაწყვიტეს მშვიდობიანი მოსახლეობის დახოცვა, მშვიდობიანი მოსახლეობის წამება, მშვიდობიანი მოქალაქეების გაუპატიურება, გაიგონ, რომ მათი სასამართლოს წინაშე წარდგომა მხოლოდ დროის საკითხია".

არქივიდან: 8 ივნისს ვოლოდიმირ ზელენსკიმ თქვა, რომ უკრაინაში "მწამებელთა წიგნი" ამოქმედდება, რომელშიც ომის დანაშაულები იქნება დოკუმენტირებული.

  • პირველ რუს სამხედროს, რომელიც უკრაინაში ჩადენილი დანაშაულის გამო გაასამართლეს, სამუდამო პატიმრობა მიუსაჯეს.
  • ხარკოვის რეგიონის დაბომბვისთვის კი ორ რუს სამხედროს 12 წლამდე პატიმრობა მიუსაჯეს.