რუსეთის თავდაცვის სამინისტროს განცხადებას რუსული სახელმწიფო და პროპაგანდისტული მედიები ავრცელებენ.

რატომ არის მნიშვნელოვანი: ომის დაწყებამდე პუტინმა უკრაინის დროებით ოკუპირებული ტერიტორიების, ე.წ. დონეცკისა და ლუგანსკის რესპუბლიკების დამოუკიდებლობა აღიარა.

  • რამდენიმე დღეში უკრაინაში ომის დაწყების ერთ-ერთ მიზეზად მან სწორედ ამ რეგიონების "გათავისუფლება" დაასახელა.

უკრაინულ მხარეს ამ დროისთვის ოფიციალური განცხადება არ გაუვრცელებია.

  • თუმცა, უკრაინული მედია წერს, რომ ოკუპანტებმა, სავარაუდოდ, სრულად აიღეს ლისიჩანსკი და კიდევ ოთხი ქალაქი.
  • მას შემდეგ, რაც ოკუპანტებმა სევეროდონეცკის 80% დაიკავეს, უკრაინელების კონტროლის ქვეშ ლისიჩანსკი დარჩა, რასაც გაიდაი სამხედრო თვალსაზრისით ხელსაყრელ პოზიციას უწოდებდა.

განახლება: მოგვიანებით უკრაინულმა მხარემ განაცხადა, რომ მძიმე ბრძოლების შემდეგ ლისიჩანსკის პოზიიცებიდან გასვლა მოუწიათ.