საერთაშორისო ორგანიზაციამ, რეპორტიორები საზღვრებს გარეშემ ფოტოგრაფი მაქს ლევინსის სიკვდილის ადგილას გამოძიება ჩაატარა. მათი განცხადებით, შესაძლებელია, სიკვდილის დასჯას წინ დაკითხვა უძღოდა, რა დროსაც ლევინსი, სავარაუდოდ, აწამეს.

რატომ არის მნიშვნელოვანი: ომის დროს ჟურნალისტების უსაფრთხოება დაცული უნდა იყოს. ოკუპანტებმა უკრაინაში შეჭრის შემდეგ, არაერთი ომის დანაშაული ჩაიდინეს, რასაც უკრაინის პროკურატურა და საერთაშორისო ორგანიზაციები იძიებენ.

  • უკრაინის რადას განცხადებით, 103 დღის განმავლობაში, რუსეთმა მედიის 32 წარმომადგენელი მოკლეს.

დეტალები: ლევინსი და სამხედრო, რომელიც მას იცავდა 13 მარტს მოკლეს. მათი ცხედრები კიევის ჩრდილოეთით მდებარე ტყეში პირველ აპრილს იპოვეს.

RSF-მა აღმოაჩინეს დანაშაულის ადგილი და დამწვარი მანქანა. 2022 წლის 28 მაისი.

ფოტო: Patrick Chauvel / RSF

  • როგორც RSF წერს, ფოტოჟურნალისტმა 10 მარტს დაკარგა დრონი, რომლითაც რუსეთის შეჭრის კადრების გადაღებას ცდილობდა.
  • დრონის წამოსაღებად სამი დღის შემდეგ ტყეში დაბრუნდა, რადგან ფიქრობდა, რომ გადაღებული სურათები ძალიან მნიშვნელოვანი იყო.
  • ამ დროს ოკუპანტებს უკვე ტყის ნაწილი ეკავათ.

RSF-ის ცნობით, გამოძიება 24 მაისიდან 3 ივნისამდე ტარდებოდა.

  • RSF-მ შემთხვევის ადგილზე იპოვა რამდენიმე ტყვია, დნმ-ს კვალი, საბუთები.

ტყვია მიწაში იმ ადგილზე იპოვეს, სადაც მანამდე ლევინის ცხედარი იყო. ტყვია და გარსაცმები აღმოაჩინეს 2022 წლის 30 მაისს კიევის ჩრდილოეთით მდებარე ტყეში.

ლევინსი 40 წლის გამოცდილი ფრილანსერი იყო, რომელიც ხშირად თანამშრომლობდა LB.ua-სთან, Reuters-თან.

  • 24 თებერვალს, ომის დაწყებისას ის დაუკავშირდა ჯარისკაცების ჯგუფს, რომელსაც იცნობდა 2014 წელს დონბასში კონფლიქტის გაშუქების შემდეგ.
  • "ყველა უკრაინელი ფოტოგრაფი ოცნებობს გადაიღოს ფოტო, რომელიც ომს შეაჩერებს", — წერდა უკრაინის პირველი ლედი და ამბობდა, რომ ეს სიტყვები დაღუპულ ფოტოჟურნალისტს ეკუთვნის.