კრის ევანსის შესაყვარებლად კიდევ ერთი მიზეზი თუ სჭირდებოდა ვინმეს, აი, აქაა!

Buzzfeed-მა მარველის ბლოკბასტერებში კაპიტანი ამერიკის ყველასთვის ცნობილ როლის შემსრულებელთან, კრის ევანსთან ერთობ უჩვეულო ინტერვიუ ჩაწერა — ლეკვების გარემოცვაში.

ამ პროცესის შედეგებმა თვითონ კრის ევანსის მოლოდინებიც კი გადააჭარბა და ჩაწერის დროსაც აღნიშნა, რომ ეს საუკეთესო ინტერვიუ იყო მის ცხოვრებაში.

მისი რეაქცია, როცა პირველად დაინახა ლეკვები, შეუფასებელია.

ფოტო: Giphy / BuzzFeed Celeb

იმის ნახვა, თუ როგორ ცდილობს კაპიტანი ამერიკა ლეკვების ნდობის მოპოვებას

და მათთან თამაშს,

ფოტო: Giphy / BuzzFeed Celeb

ერთ რამედ ღირს.

ფოტო: Giphy / BuzzFeed Celeb

კრის ევანსს ინტერვიუს განმავლობაში მის კარიერაზე, ინტერესებსა და სხვა ზოგადი თემატიკის კითხვებს უსვამდნენ, თუმცა თვითონ იმდენად გაერთო ლეკვებთან თამაშით და ისეთი ბედნიერი იყო, რომ პასუხის გასაცემად კონცენტრაციას ვერ ახერხებდა.

"ვის ადარდებს?" — რამდენჯერმე ასეც მიუგო კითხვაზე პასუხად, რათა ლეკვებთან თამაში დასცლოდა.

ფოტო: BuzzFeed Celeb

ამის გამო ტვიტერზეც კი დაწერა: "არც კი მახსოვს, ერთ კითხვას მაინც თუ გავეცი პასუხი. ლეკვებმა დამატყვევეს".

არა მხოლოდ თვითონ მოიხიბლა ლეკვებით, არამედ აშკარაა, რომ ლეკვებიც გადაირივნენ კაპიტან ამერიკაზე.

ფოტო: Giphy / BuzzFeed Celeb

კრის ევანსმა ინტერვიუს დროს ლეკვებთან ერთად შედარებით უფროს ძაღლებთანაც ითამაშა და აღნიშნა, რომ ისინიც არანაკლებ ყურადღებას იმსახურებენ, მაგრამ ხშირად ჩვენი მზრუნველობა აკლიათ.

მთელი ინტერვიუს ყურება ქვემოთ მოცემულ ვიდეოში შეგიძლიათ და აქედანვე გაფრთხილებთ, რომ თითქმის 9 წუთის განმავლობაში ღიმილს ვერ მოიშორებთ სახიდან:

P.S. აქამდე ძირითადად კრის ევანსის ასეთ გიფებს აზიარებდნენ ხოლმე,

მაგრამ ამიერიდან უკეთესი ვერსიებიც გამოგვიჩნდა.

ფოტო: Giphy / BuzzFeed Celeb