პარლამენტის თავჯდომარის მოადგილე, ზვიად ძიძიგური განმარტავს, რომ საკონსტიტუციო სასამართლოს შესახებ კანონზე დისკუსიის დროს პრეზიდენტმა, საპარლამენტო უმრავლესობამ და პარლამენტის თავჯდომარემ შემხვედრი ნაბიჯები გადადგეს:

"მოხდა შეჯერება და გაცილებით მაღალი ლეგიტიმაციით მიიღებენ იმ ცვლილებებს, რომლებიც პარლამენტმა ამდენთვიანი მუშაობის შედეგად შეიმუშავა. ცალსახად მინდა გითხრათ, რომ დედანი - თავდაპირველი ვარიანტი საკონსტიტუციო სასამართლოს შესახებ კანონისა და საბოლოო ვერსია, რომელსაც ახლა უკვე შენიშვნების შემდეგ მიიღებენ, ცა და დედამიწასავით განსხვავდება ერთმანეთისგან".

ფრაქცია რესპუბლიკელები წევრი, ვახტანგ ხმალაძე კი ამბობს, რომ თავდაპირველად სადავო იყო პლენუმის გაზრდის საკითხი, რომელთან დაკავშირებითაც მისი გუნდის წევრები კვორუმის უფრო დაბლა დაწევას ითხოვდნენ, პრეზიდენტის მიერ წარმოდგენილი შენიშვნა ამ თვალსაზირისით არის უფრო რბილი.

საკონსტიტუციო სასამართლოს შესახებ კანონში ცვლილებები პარლამენტმა 14 მაისს მიიღო. შემდეგ ის პრეზიდენტს, პრეზიდენტმა კი დასკვნისთვის ვენეციის კომისიას გადაუგზავნა. ვენეციის კომისიის კრიტიკული დასკვნის მიღების შემდეგ გუშინ, 31 მაისს, გიორგი მარგველაშვილმა აღნიშნულ კანონს ვეტო დაადო.

ცნობილია, რომ მარგველაშვილის ვეტოს წინ უძღოდა კონსულტაციები, რომელშიც თავად პრეზიდენტი, პრემიერმინისტრი და საპარლამენტო უმრავლესობა იღებდა მონაწილეობას.