კრიტიკის შემდეგ ლიზომ ახალი სიმღერიდან შშმ პირების შეურაცხმყოფელი სიტყვა ამოიღო

ფოტო: Getty Images
საზოგადოების კრიტიკის შემდეგ ლიზომ თავისი ახალი სიმღერის, სახელად Grrrls-ის, ტექსტი შეცვალა. მომღერალი შშმ პირების მიმართ შეურაცხმყოფელი ტერმინის გამოყენებისთვის დაადანაშაულეს, რაზეც მან განაცხადა, რომ "შეურაცხმყოფელი ენის პოპულარიზაცია არასდროს სურდა".
ლიზოს ახალი სიმღერა გასულს პარასკევს გამოვიდა, რომელშიც ტერმინი "Spaz" იყო ნახსენები. გადატანითი მნიშვნელობით სიტყვა სულელ ადამიანს ნიშნავს, მაგრამ გარდა ამისა, ტერმინ "Spastic"-ის შემოკლებული ვერსიაა. ეს კი ცერებრალური დამბლის ერთ-ერთი ფორმის, სპასტიური დიპლეგიის აღმნიშვნელია
სიმღერის ტექსტი გააკრიტიკეს როგორც ლიზოს ფანებმა, ასევე შშმ პირებმა, მათმა დამცველებმა და სოციალური ქსელების სხვა მომხმარებლებმაც. ისინი ტერმინის ისტორიასა და შეურაცხმყოფელ მნიშვნელობას ხსნიდნენ და მათი აზრით, ლიზოს ასეთი შეცდომა არ უნდა დაეშვა.
"ჩემი ცერებრალური დამბლა კლასიფიცირდება, როგორც სპასტიური დიპლეგია (რაც ფეხების დაუსრულებელ ტკივილსა და შებოჭილობას გულისხმობს). შენი ახალი სიმღერის გამო კი ძალიან დამწუხრებული და გაბრაზებული ვარ. ‘Spaz’ სულელს ან გიჟს არ ნიშნავს, ეს შეურაცხმყოფელი ტერმინია და 2022 წელს მეტი მოგეთხოვება", — წერს ტვიტერის ერთ-ერთი მომხმარებელი ლიზოზე.
"ნება მომეცით გითხრათ, რომ შეურაცხმყოფელი ენის პოპულარიზაცია არასდროს მსურდა. მე, როგორც მსუქან შავკანიან ქალს, ბევრი საშინელი სიტყვა მომისმენია ჩემს თავზე, ასე რომ, ვიცი, სიტყვებს რა ძალაც შეიძლება ჰქონდეს", — განაცხადა ლიზომ და აღნიშნა, რომ სიმღერის განახლებული ვერსია მალე გამოვა.
Grrrls ჯერ კიდევ არ იყო გამოშვებული და ადამიანებს სხვადასხვა მაღაზიაში მისი შესყიდვა არ შეეძლოთ. სიმღერაში სიტყვა, რომელიც გააკრიტიკეს, ფრაზით "hold me back" ჩანაცვლდა და ეს ახალი ვერსია ივლისში ხელმისაწვდომი გახდება.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
-
გადახედვა
-
-
გადახედვა
კომენტარები