ბრიტანეთის თავდაცვის სამინისტროს დაზვერვის ცნობით, 5 ივნისს კიევში, სარკინიგზო ინფრასტრუქტურაზე განხორციელებული თავდასხმა, სავარაუდოდ, იყო რუსეთის მცდელობა ხელი შეეშალათ ფრონტის ხაზზე უკრაინის ქვედანაყოფებისთვის დასავლური სამხედრო აღჭურვილობის მიწოდებისთვის.

"დონბასში, სადავო ქალაქ სევეროდონეცკში მძიმე ბრძოლები გრძელდება, ხოლო უკრაინული სამხედროების ალყაში მოქცევის მცდელობის მიზნით, რუსული ძალები აგრძელებენ სლოვიანსკისკენ სვლას", — აღნიშნავს ბრიტანეთის უწყება.

მათივე თქმით, აპრილში გემი მოსკოვის დაკარგვის შემდეგ, რუსულმა ძალებმა კუნძულ ზმეინზე არაერთი საჰაერო თავდაცვის საშუალება გადაიყვანეს, მათ შორის, SA-15 და SA-22 სისტემები, რაც კუნძულის ირგვლივ მოქმედი რუსული საზღვაო გემებისთვის საჰაერო თავდაცვის უზრუნველსაყოფადაა გამიზნული.

"გველების კუნძულზე რუსეთის მოქმედება ხელს უწყობს უკრაინის სანაპიროს ბლოკადას და აფერხებს საზღვაო ვაჭრობის აღდგენას, მათ შორის, უკრაინული მარცვლეულის ექსპორტს, — აღნიშნულია განცხადებაში.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.