მარიუპოლის მერის მრჩეველის, პიოტრ ანდრიუშენკოს განცხადებით, მაღალსართულიანი კორპუსის ნანგრევებში, სარდაფში 200-მდე ცხედარი იპოვეს. ტელეგრამზე ის წერს, რომ მოსახლეობამ უარი თქვა ცხედრების შეგროვებაზე, რადგან რუსეთის საგანგებო სიტუაციების სამსახურმა ტერიტორია დატოვა. მისივე თქმით, მიმდებარე დასახლებებში მძაფრი სუნი დგას.

ანდრიუშჩენკომ ასევე დასძინა, რომ ქალაქში სასაფლაოდ იქცა და ფაქტობრივად შეჩერებულია ეზოებიდან ცხედრების გადასვენების პროცესი. მისი თქმით, ამჟამად, დაკრძალვისა და ექსჰუმაციის სამუშაოებს დონეცკის ე.წ. "სახელმწიფო კორპორაცია ახორციელებს და "ოფიციალური" უფასო დაკრძალვისთვის, ხალხი რიგში დგას, ცხედარი თავად მიაქვთ "მორგში" და უწევთ თქმა, რომ ის ახლახან აღმოაჩინეს. მისივე თქმით, კიდევ ერთი ალტერნატივაა, დათანხმდნენ ვიდეოს ჩაწერას, რომელშიც უნდა ამტკიცონ, თითქოდ დაღუპული უკრაინის არმიამ მოკლა.

მარიუპოლს სრულად რუსები აკონტროლებენ. ბოლო ტერიტორია, რომლის აღებაც მათ ვერ შეძლეს, აზოვსტალი იყო, სადაც აზოვის ბატალიონის წევრები და სხვა მცველები იყვნენ გამაგრებული. რამდენიმეთვიანი ბლოკადისა და მძიმე ბრძოლების შემდეგ, შეთახნმება შედგა და მარიუპოლის მცველები ქარხნიდან გამოვიდნენ. უკრაინა აპირებს, ისინი რუს ტყვეებში გაცვალოს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.</p