რუსეთ-უკრაინის მოლაპარაკებებში რუსეთის დელეგაციის წევრი, ლეონიდ სლუცკი აცხადებს, რომ რუსეთი შეისწავლის აზოვსტალიდან გამოყვანილი მებრძოლების ვიქტორ მედვედჩუკში გაცვლის შესაძლებლობას. ინფორაციას რუსული მედია ინტერფაქსი ავრცელებს.

"ჩვენ შევისწავლით მედვედჩუკის აზოველებზე გაცვლის შესაძლებლობას. არა ჩვენ, ანუ ლიბერალ-დემოკრატიული პარტია, არამედ ადამიანები მოსკოვში, ვისაც ამის უფლებამოსილება აქვს", — თქვა სლუცკიმ.

სახელმწიფო ღალატში ბრალდებული, გაქცეული პრორუსი დეპუტატი, ვიქტორ მედვედჩუკი უკრაინაში 12 აპრილს დააკავეს. რუსეთის პრეზიდენტი, ვლადიმერ პუტინი მედვედჩუკის შვილის ნათლიაა. უკრაინული მედიების ცნობით, პოლიტიკოსი ღალატშია ბრალდებული და რუსეთის შეჭრამდე ის შინაპატიმრობაში იმყოფებოდა. 16 აპრილს მას სასამართლომ პატიმრობა შეუფარდა. თავდასხმის წინა დღეს გავრცელდა ინფორმაცია, რომ მისი ცოლი ბელარუსში გაიქცა, შემდეგ კი შინაპატიმრობიდან მედვედჩუკიც გაიქცა.

ამ ეტაპზე რუსეთს ოფიციალურად არ განუცხადებია გაცვლის თუ არა აზოვსტალიდან გამოყვანილ უკრაინელ სამხედროებს რუს ტყვეებში.