ამერიკის შეერთებული შტატების სახელმწიფო დეპარტამწენტის პრესსპიკერი, ნედ პრაისი ნიკა გვარამიას დაკავებასთან დაკავშირებით დასმულ კითხვაზე აცხადებს, რომ დამოუკიდებელი მედიის არსებობის აუცილებლობაზე მუდმივად საუბრობენ და გააგრძელებენ მის გვერდით მტკიცედ დგომას.

"როცა საქმე მედიის თავისუფლებას ეხება, ჩვენ მუდმივად ვსაუბრობთ დამოუკიდებელი და თავისუფალი მედიიის არსებობის აუცილებლობაზე მთელს მსოფლიოში. მდივანმა ბლინკენმა ორი კვირის წინ ისაუბრა ამაზე, ხაზი გაუსვა თავისუფალი და დამოუკიდებელი მედიის მნიშვნელობას, აუცილებლობას. მან აღნიშნა, რომ გასული წლების განმავლობაში უამრავი ჟურნალისტი დაზარალდა. მათი საუშაო ჩაახშეს, ბევრი კი დაიჭრა და დაიღუპა სამსახურებრივი მოვალეობის შესრულებისას. რა თქმა უნდა, მათი მოვალეობა არაფერია გარდა სიმართლის გადმოცემისა.

ჩვენ გავაგრძელებთ დამოუკიდებელი მედიის გვერდით მტკიცედ დგომას საქართველოსა და მთელს მსოფლიოში", — ამბობს ის.

ნიკა გვარამიას წინააღმდეგ გამოძიება პროკურატურამ 2019 წლის 20 ივლისს დაიწყო. საქმე ეხება ბრალდებას ტელეკომპანია რუსთავი 2-ის კანონიერი ინტერესის საწინააღმდეგოდ უფლებამოსილების ბოროტად გამოყენების შესახებ. კერძოდ, ტელეკომპანიის ყოფილ დირექტორს, ნიკა გვარამიას წინასწარი შეთანხმებით ჯგუფის მიერ სამსახურებრივი მდგომარეობის გამოყენებით, დიდი ოდენობით ქონების გაფლანგვის, კომერციული მოსყიდვის, ყალბი ოფიციალური დოკუმენტის დამზადება-გამოყენებას ედავებოდნენ.

საერთაშორისო გამჭვირვალობა საქართველომ აღნიშნა, რომ გვარამიას დასჯით სასამართლომ პოლიტიკური დაკვეთა შეასრულა. GDI-ის ხელმძღვანელმა, ედუარდ მარიკაშვილმა კი თქვა, რომ ეს კიდევ ერთი მაგალითია იმისა, რომ ავტორიტარიზმში ვცხოვრობთ. გიორგი მშვენიერაძის განცხადებით, ამ ქვეყანაში ყველაფერი დანაშაულია, ბიძინა თუ მტრად გთვლის და ყველაფერი კანონიერია, ბიძინას ლაქია თუ ხარ.

ამავე თემაზე: