დღეს გამოძიების ფედერალური ბიუროს (FBI) დირექტორი, ჯეიმს კომი, წარმომადგენელთა პალატის დაზვერვის კომიტეტის წინაშე, დახურულ სესიაზე ჩვენებას იძლევა. ეს ჩვენება, 2016 წლის, ამერიკის საპრეზიდენტო არჩევნებში რუსეთის საქმიანობის გამოძიების ნაწილია.

"იმის გაფიქრება, რომ არჩევნებამდე რამდენიმე დღით ადრე, დემოკრატ საპრეზიდენტო კანდიდატ ჰილარი კლინტონის საქმეზე გამოძიების განახლებით, მისმა სააგენტომ საპრეზიდენტო არჩევნებში დონალდ ტრამპის გამარჯვებაზე გავლენა იქონია, მასში გულისრევის შეგრძნებას იწვევს" - უთხრა კომიმ სენატის იურიდიულ კომიტეტს გუშინ.

კომიმ პანელს უთხრა, რომ ახალი გამოძიების დაწყების გამხელის შესახებ გადაწყვეტილების მიღება მისთვის უაღრესად რთული იყო. მას შემდეგ, რაც კონგრესი დაარწმუნა, რომ გამოძიება უკვე დამთავრებული იყო, ახალი გამოძიების დამალვა, მისი თქმით, კატასტროფული იქნებოდა.