უკრაინის პრეზიდენტის, ვოლოდიმირ ზელენსკის განცხადებით, თანახმაა, რომ ვლადიმერ პუტინს პირისპირ, შუამავლების გარეშე ესაუბროს. მისი თქმით, მოლაპარაკებების პროცესი სულ უფრო რთულდება. ზელენსკის კომენტარს UNIAN ავრცელებს.

"რაც შეეხება რუსეთის ფედერაციასთან მოლაპარაკებებს, ეს საკითხი ყოველ დღე უფრო ჩახლართული ხდება. მე პირადად ასე ვფიქრობ, რადგან ყოველ დღე პატარა ქალაქების დე-ოკუპაცია ხდება და ვხედავთ ბულინგის, წამების, მკვლელობების კვალს. ამიტომაც არის შესაძლო მოლაპარაკებების მომენტი გართულებული [...] მე, როგორც პრეზიდენტი, მზად ვარ პუტინს ვესაუბრო, თუმცა მხოლოდ მას, ყოველგვარი შუამავლების გარეშე და დიალოგის პირობით, არავითარი ულტიმატუმები", — განაცხადა მან.

სტამბულში გამართულ მოლაპარაკებამდე რუსეთი ასეთი შეხვედრის აუცილებლობას გამორიცხავდა, თუმცა ბოლო რაუნდის შემდეგ, ვლადიმერ მედინსკიმ განაცხადა, რომ სამშვიდობო ხელშეკრულების პარაფირებასთან ერთად, შესაძლებელია, რუსეთისა და უკრაინის პრეზიდენტების შეხვედრა. მისი თქმით, ეს ვერსია იძლევა დამატებით შესაძლებლობებს პოლიტიკური დეტალების განხილვისთვის.

გაიგეთ მეტი:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში