მკითხველი მეორე ოთახში
ცოდვა გამხელილი სჯობს — ავტორის სახელი არაფერს გეუბნებოდა. სიმართლე ითქვას, არც სათაური ჟღერდა მაინცდამაინც დამაინტრიგებლად. თუმცა, ფესტივალისკენ მიმავალი რომ ფეისბუქს ათვალიერებდი, შენი მეგობრის რეკომენდაციას წააწყდი და სპონტანურად იყიდე. მაინც შაბათი იყო, წიგნის 113 გვერდი კი ოპტიმისტურად განგაწყობდა. კითხვა იმავე საღამოს დაიწყე და რამდენიმე საათში მორჩი. მცირე რომანის ასე მოკლე დროში დასრულება დიდ მიღწევად შეიძლება არ ჩაითვალოს, მაგრამ მაინც ძალიან გეამაყება, რომ მაგდა კალანდაძის მეორე ოთახი გამოცემიდან მალევე წაიკითხე, მერე კი ყველას ურჩიე, ვისაც იცნობდი და ვისთანაც სიტყვა გეთქმოდა.
მართალია, წიგნი სადებიუტო რომანია, თუმცა, თავად ავტორი დამწყები არ ყოფილა. როგორც შემდეგ გაიგე, ლიტერატურული პერიოდიკის მკითხველისთვის მაგდა კალანდაძე ნაცნობი სახელია, ამიტომ, მკითხველთა გარკვეულ წრეში დიდი მოლოდინი არსებობდა, რომელიც შემდეგ ყველას გადაედო, ვისაც კი ნაწარმოები ხელში ჩაუვარდა.
"წიგნი, რომელიც ბევრს განარისხებს", — გამომცემლობის ასეთი შეფასება ანონსში მოლოდინს კიდევ უფრო ამძაფრებდა. მართალია, ბოლო ფურცლის ჩაკითხვის შემდეგ განრისხებულზე მეტად დასევდიანებული იყავი, მაგრამ იმედგაცრუება მაინც არ გიგრძნია, რადგან ზუსტად მიხვდი, რატომ აღაშფოთებდა რომანი ბევრს. მიკიბ-მოკიბვის გარეშე რომ თქვა, მეორე ოთახი ქვიარ რომანია — მსგავსი რამ კი ქართულ ლიტერატურულ სივრცეში იშვიათ მოვლენად რჩება.
ნაწარმოები რომ კამერულია, ამის წინასწარმეტყველებას ალბათ სათაურის და ანოტაციის წაკითხვის შემდეგაც შეძლებდი — ძირითად პერსონაჟებს ცალ ხელზეც ჩამოთვლი; თუმცა, ტექსტის ინტიმურობა მაინც მოულოდნელი აღმოჩნდა. იმიტომ არა, რომ ბევრისთვის საჩოთირო საკითხებს ეხება და ალაგ-ალაგ ამ თემებზე დაუფარავად საუბრობს. უფრო იმიტომ, რომ მთავარი პერსონაჟი შენ თვალწინ ყვავილივით იშლება — წვეთ-წვეთად გენახვება და წიგნის ბოლოს მთლიანად შიშვლდება.
მეორე ოთახის ერთ-ერთი მთავარი ღირსება სწორედ პროტაგონისტი ელენეს, როგორც პერსონაჟის, განვითარებაა. ავტორს 100-ზე ოდნავ მეტი გვერდი ჰქონდა, ეს რომ მოეხერხებინა, მაგრამ მაინც ისე ოსტატურად შეძლო, მცირე თუ დიდი პროზის არაერთ ავტორს შეშურდებოდა.
ელენე ერთი თბილისელი გოგოა, დიდ სახლში ცხოვრობს, იქვე მუშაობს და ზოგჯერ დღემეხვალიეობაც ჯაბნის ხოლმე — მოკლედ, ისეთივე ჰარმონიული ქაოსი აქვს ცხოვრებაში, როგორიც სხვა ბევრს. ეს უწესრიგობა მართლაც ქაოსურ სახეს მაშინ იღებს, როცა თავის ბინაში ერთ ოთახს აქირავებს და ცხოვრებას უცხო ადამიანთან ერთად აგრძელებს. რომანი დიდწილად სწორედ ელენესა და მასთან ახალგადმობარგებული ლენას ურთიერთობაა. ელენე ლენას აკვირდებოდა, შენ კი ელენეს. ასე შეიკრა სამკუთხედი, რომელმაც მისგან თავის დაღწევის საშუალება წიგნის დასრულებამდე არ მოგცა.
პირველ პირში ტექსტის თხრობა ადვილი არაა. რამდენჯერაც სცადე, იმდენჯერ მიხვდი, რომ ძალიან ადვილად შეიძლება გადაამლაშო, თანაც ისე, რომ მკითხველს უხერხულობის და ხელოვნურობის განცდა დაუტოვო — რამდენად გულწრფელი მონათხრობიც უნდა იყოს, მაინც. არადა, მაგდა კალანდაძემ ესეც ოსტატურად შეძლო — გულღია შინაგანი მონოლოგები და სხვათა სიტყვებით მოყოლილი ამბები ნაუცბადევ რეტროსპექტივას შეუნაცვლა ზუსტად იქ, სადაც საჭირო აღმოჩნდა. მოკლედ, წიგნის კითხვისას დაგრჩა შთაბეჭდილება, რომ ელენე შენი დიდი ხნის, მაგრამ არცთუ გახსნილი მეგობარი იყო, რომელიც სამზარეულოში დაჯდა და თავის თავზე პირველად მოგიყვა.
დასაწყისშივე კი ხმაურიანად მონათლე წიგნი "ქვიარ რომანად", თუმცა, აქ არც ამ ერთგვარი მიმართულების კლიშეებს წააწყდი. ყოველ მომდევნო გვერდზე უფრო მეტად რწმუნდებოდი, რომ არც ელენე ყოფილა "ერთი თბილისელი გოგო" და არც მისი ცხოვრება — "ჰარმონიული ქაოსი". ერთ-ერთი ყველაზე არაბანალური პერსონაჟია, ვისაც თანამედროვე ქართულ ლიტერატურაში შეხვედრილხარ. ამას მხოლოდ მაშინ იაზრებ, როცა წიგნის კითხვას ამთავრებ. მანამდე ისიც გეგონა, რომ ყველა საუკეთესო არასანდო მთხრობელს უკვე იცნობდი, მაგრამ ელენესთან ერთად მაგდამაც დაამსხვრია გახუნებული ჩარჩო. ავტორმა, ერთი მხრივ, თხრობის კლასიკური მანერით, მეორე მხრივ კი, მინიმალური მხატვრული ხერხების გამოყენებით მოახერხა, სხვადასხვა მრწამსის მქონე მკითხველი დაეპატიჟებინა.
ასე აღმოვჩნდით ყველა მეორე ოთახში.
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
კომენტარები