პორშე ცენტრი თბილისის ინიციატივით ბათუმში პირველად გაიმართა პროექტი — Service Clinic. მომხმარებელზე ზრუნვის იდეით შექმნილი პროექტის ფარგლებში, 26-27 აპრილს, პორშეს სერტიფიცირებული მექანიკოსები თავად ეწვივნენ ქალაქს.

პორშეს პროფესიონალთა გუნდი სპეციალურად ბათუმისთვის შეირჩა და ადგილზე შესთავაზა პრემიუმ ბრენდის ავტომობილის მფლობელებს მაღალი სტანდარტის ტექნიკური მომსახურება, დროისა და კომფორტის მაქსიმალური შენარჩუნებით.

ბათუმი პირველია, სადაც პროექტი — Service Clinic განხორციელდა. ბოლო წლებში ქალაქში საგრძნობლად გაიზარდა პორშეს მფლობელების რაოდენობა, თუმცა ამ ეტაპზე პორშეს ოფიციალური სერვისცენტრი არ ფუნქციონირებს. სწორედ ამ ტენდენციის საპასუხოდ მიიღო გადაწყვეტილება პორშე ცენტრი თბილისმა, მომსახურება მომხმარებელთან ადგილზე მიეტანა. ეს ინიციატივა კიდევ ერთხელ უსვამს ხაზს პორშეს მყარ ღირებულებას — ყოველ მომხმარებელზე ინდივიდუალური ზრუნვა და სრულყოფილება ყოველ დეტალში.

თამარ ხოსროშვილი, პორშე ცენტრი მარკეტინგის ხელმძღვანელი: “Service Clinic-ის მთავარი მიზანია, მაქსიმალური კომფორტი შევთავაზოთ ჩვენს მომხმარებლებს და ადგილზე მივიტანოთ ის სერვისები, რომელთა მიღებაც აქამდე მხოლოდ თბილისში იყო შესაძლებელი.

პროექტის ფარგლებში, ბათუმში გაემგზავრნენ ჩვენი სპეციალისტები სავალი ნაწილისა და ელექტროდიაგნოსტიკის მიმართულებით, რომლებმაც პორშეს ავტომობილებს ადგილზე გაუწიეს ყველა საჭირო მომსახურება. აღსანიშნავია, რომ პორშე ცენტრი თბილისის მექანიკოსები სისტემატურად გადიან კვალიფიკაციის ასამაღლებელ ტრენინგებს გერმანიაში, რაც ხარისხისა და მომსახურების სტანდარტების მუდმივ გაუმჯობესებას უზრუნველყოფს. ეს იყო Service Clinic-ის პირველი ვიზიტი ბათუმში და ვფიქრობ, ორივე დღე ძალიან წარმატებული და ნაყოფიერი აღმოჩნდა, რასაც მომხმარებლის დადებითი უკუკავშირიც ადასტურებს“.

ღონისძიებას განსაკუთრებული ელფერი შესძინა Test Drive-ის ფორმატმა, რომლის ფარგლებშიც წინასწარ რეგისტრირებულ სტუმრებს შესაძლებლობა ჰქონდათ, თავად გამოეცადათ პორშეს მართვით მიღებული განსაკუთრებული ემოციები და ავტომობილის შესაძლებლობები.

ორდღიანი ღონისძიება პორშეს ოთხი მოდელის Test Drive-ს მოიცავდა. სტუმრებმა გამოსცადეს პორშეს უახლესი მოდელები: Taycan, Macan BEV, Cayenne და Panamera. მომხმარებლები განსაკუთრებით ელექტრომობილებით, Taycan-ითა და Macan BEV-ით დაინტერესდნენ. Taycan უკვე მეხუთე წელია, რაც საქართველოს ბაზარზეა, რაც შეეხება Macan-ს, ეს მოდელი რამდენიმე თვეა, რაც გამოჩნდა.

პორშე ცენტრი თბილისის ღონისძიებამ 60-მდე სტუმარს უმასპინძლა. Service Clinic-ის პროექტი გრძელდება. მომდევნო ღონისძიება ბათუმში, ივლისში გაიმართება.

--

თეგეტა ჰოლდინგის ერთ-ერთი მიმართულების, თეგეტა ქარსის კომპანია პორშე ცენტრი თბილისი ქართულ ბაზარზე 2011 წლიდან ოპერირებს. კომპანია მომხმარებელს პრემიუმ ბრენდის უახლეს ავტომობილებს, ასევე სრულ სადიაგნოსტიკო და სარემონტო მომსახურებას, ორიგინალ ნაწილებსა და აქსესუარებს სთავაზობს. შოურუმის გარდა, მომხმარებელს შესაძლებლობა აქვს, კომპანიის ვებგვერდზე კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც პორშე ცენტრი თბილისი უზრუნველყოფს.