უკრაინის პრეზიდენტის ადმინისტრაციის ხელმძღვანელის მრჩეველის, მიხაილო პოდოლიაკის გამნცხადებით, უკრაინის არმია გაათავისუფლებს ხერსონს. მისი თქმით, ოკუპანტებმა შეიძლება მოითხოვონ, მარსთან, თუნდაც იუპიტერთან შეერთება. ასე გამოეხმაურა ოკუპირებული ხერსონის ადმინისტრაციის სურვილს, რუსეთის შემადგენლობაში შევიდნენ.

"ერთადერთი მიმართვა, რომლის მომზადებაც ხერსონის ოლქის "გაულეიტერებს" შეუძლიათ, სასამართლოს შემდეგ შეწყალებსი თხოვნაა. ოკუპანტებმა შეიძლება მოითხოვინ, მარსთან, თუნდაც იუპიტერთან შეერთება. სიტყვების რა თამაშიც არ უნდა მოიგონონ ოკუპანტებმა", — წერს პოდოლიაკი.

ოკუპირებული ხერსონის დე ფაქტო ადმინისტრაციის ხელმძღვანელი კირილ სტრემოუსოვის განცხადებით, აპირებენ, უახლოეს მომავალში ვლადიმერ პუტინს რუსეთის ფედერაციაში შესვლის თხოვნით მიმართონ. მარიონეტული ადმინისტრაციის უფროსი, ამტკიცებს, თითქოს ხერსონი რუსეთია.

აქამდე რამდენჯერმე გავრცელდა ინფორმაცია, რომ ოკუპირებულ ხერსონში რეფერენდუმის ჩატარება იგეგმებოდა. ხერსონში ხშირად იმართებოდა ანტისაოკუპაციო აქციები, რომლებიც არაერთხელ დაარბიეს.