ჩრდილოეთ კორეა აგრძელებს ბრძოლას ვიწრო ჯინსების, შეღებილი თმის, პირსინგის, კორეული პოპისა თუ სხვა "კაპიტალისტურად" შერაცხული ჩვევების, ჰობებისა თუ ნივთების წინააღმდეგ. გამოცემა Radio Free Asia-ს ანონიმური წყაროები უყვებიან, რომ ქვეყანაში რეგულაციები გამკაცრდა და ამჯერად ხელისუფლების მთავარი სამიზნე ახალგაზრდები არიან.

წყაროების ცნობით, ჩრდილოეთ კორეის სოციალისტ-პატრიოტთა ახალგაზრდული კავშირი ახალგაზრდებს, განსაკუთრებით კი 20-30 წლის ქალებს მკაცრად აკონტროლებს. ისინი ახლგაზრდების შეკრების ადგილებში დადიან და აკავებენ მათ, ვისაც ზედმეტად გრძელი ან შეღებილი თმა აქვს. აგრეთვე, მათ, ვისაც მოტკეცილი შარვლები აცვიათ ან ტანსაცმელზე სიტყვები უცხო ენაზე აწერიათ.

წყაროები ამბობენ, რომ შერჩეული ადამიანები ახალგაზრდული კავშირის ოფისში მიჰყავთ, სადაც "დანაშაულის" აღიარებას წერილობით აიძულებენ. დაკავებულებს მხოლოდ მას შემდეგ ათავისუფლებენ, რაც ოჯახის წევრები "შესაფერის" ტანსაცმელს მოუტანენ.

"დამნაშავეების" შესახებ მათ დამსაქმებლებსაც ატყობინებენ, უარეს შემთხვევაში კი დამნაშავის იდენტიფიკაცია ტელევიზიაში ხდება.

"მიუხედავად მუდმივი წნეხისა, ახალგაზრდები მაინც ისე იცვამენ და გამოიყურებიან, როგორც ადამიანები უცხოურ ფილმებსა და ტელევიზიაში", — ამბობს წყარო.

სამწუხაროდ, აღნიშნული ჩრდილოეთ კორეაში ყველაზე მძიმე სასჯელი როდია: ადამიანებს სიკვდილით ყველაზე უმნიშვნელო დანაშაულისთვის სჯიან, მათ შორის, კორეული პოპის მოსმენისთვის ან სერიალ კალმარის თამაშის გავრცელების გამო.

ამავე თემაზე: