სეულში ადამიანის უფლებათა დაცვის ერთ-ერთი ორგანიზაციის ინფორმაციით, კიმ ჩენ ინის რეჟიმმა ბოლო 10 წლის განმავლობაში სამხრეთ კორეული ვიდეოების ყურებისა და კორეული პოპის მოსმენისთვის სიკვდილით, სულ მცირე, 7 ადამიანი დასაჯა. ორგანიზაციის მიხედვით, ჯამში სხვადასხვა მიზეზების გამო საჯაროდ სიკვდილით, სულ მცირე, 23 ადამიანი დაისაჯა.

ორგანიზაციის ანგარიში ჩრდილოეთ კორეიდან გამოქცეული ასობით ადამიანის გამოკითხვას ეფუძნება. ანგარიშში ჩრდილოეთ კორეაში მომხდარი საზარელი ინციდენტების შესახებაა ინფორმაცია შეგროვებული.

"გამოკითხულები ხშირად ამბობდნენ, რომ საჯაროდ სიკვდილის დასჯის დროს ადამიანს 3 შეიარაღებული პირი 3-3 ტყვიას ესროდა. სიკვდილით დასასჯელთა ოჯახებს ამ ყველაფრის ყურებას აიძულებდნენ", — ვკითხულობთ ანგარიშში.

ერთ-ერთი წყაროს მიხედვით, საჯაროდ სიკვდილის დასჯას ხალხის გასაფრთხილებლად ატარებდნენ და მოქალაქეებს მის ყურებას ამ მიზნით აიძულებდნენ.

კიმ ჩენ ინმა უცხოურ და განსაკუთრებით, სამხრეთ კორეულ კულტურას ბრძოლა დიდი ხანია, გამოუცხადა. მან კორეულ პოპს კიბო უწოდა და სამხრეთკორეული სლენგის, მოდის, მუსიკისა და ვარცხნილობის გადმოღებაც აკრძალა. ცოტა ხნის წინ კი რეჟიმმა ქვეყანაში პოპულარული სამხრეთ კორეული სერიალის, კალმარის თამაშის გავრცელების გამო მოქალაქე სიკვდილით დასაჯა.

ამავე თემაზე: