პენტაგონის პრესსპიკერის, ჯონ კირბის განცხადებით, მათ აქვთ ნიშნები, რომ უკრაინის მოქალაქეები მათი ნების საწინააღმდეგოდ გადაყავთ რუსეთში. როგორც CNN წერს, კირბიმ ვერ ისაუბრა რამდენი ადამიანია გაყვანილი რუსეთის ტერიტორიაზე.

მას ჰკითხეს, რომ უკრაინის მთავრობის განცხადებებაზე იმის შესახებ, რომ 1,2 მილიონი უკრაინის მოქალაქე ახლა დეპორტირებულია რუსეთში, პენტაგონის პრესსპიკერმა უპასუხა — "ჩვენ ნამდვილად ვნახეთ მინიშნებები, რომ უკრაინელები უკრაინიდან რუსეთში გადაიყვანეს".

კირბიმ რუსეთის ამ ქმედებას არაკეთილსინდისიერი და უპასუხისმგებლო ქცევა უწოდა.

უკრაინული მხარე საუბრობს, რომ ოკუპანტებს იძულებით გადაყავთ უკრაინის მოქალაქეები რუსეთის ტერიტორიაზე. მაგალითად, მარიუპოლის საკრებულოს განცხადებით, საკრებულოს თქმით, რუსეთმა იმდენივე ადამიანის დეპორტაცია მოახდინა მარიუპოლიდან, რამდენიც ჰიტლერის ჯარებმა ოკუპაციის წლებში. უკრაინის ტერიტორიიდან დეპორტაციაზე სახალხო დამცველი ირინა ვენედიქტოვაც საუბრობს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში