ბრიტანეთის თავდაცვის მდივნის, ბენ უოლასის განცხადებით, რუსეთის პრეზიდენტმა, ვლადიმერ პუტინმა აღლუმზე სიტყვით გამოსვლისას სასოწარკვეთის მცირე გამოვლინება აჩვენა. მის კომენტარს CNN ავრცელებს.

"NATO მისი სახმელეთო საზღვრის 6%-ს შეადგენს. როცა შენი სახმელეთო საზღვრის 6%-ია NATO-ს ქვეყნები, ეს არ არის გარსშემორტყმა. დარწმუნებული ვარ, უკრაინის ელჩი გეტყვით, რომ არავითარი NATO-ს ბაზები უკრაინაში არ არის. ვფიქრობ, მას სჯერა იმის, რისიც უნდა, რომ სჯეროდეს — სასოწარკვეთის მცირე გამოვლინება", — თქვა მან.

დღეს, 9 მაისს წითელ მოედანზე რუსული არმია საზეიმო აღლუმით გამოვიდა. შეკრებილებს სიტყვით მიმართა რუსეთის პრეზიდენტმა, ვლადიმერ პუტინმა, რომელმაც კიდევ ერთხელ გააჟღერა საკუთარი პროპაგანდისტული გზავნილები, თუმცა თქვა იმაზე ნაკლები, ვიდრე მსოფლიო ელოდა.

მან გაატარა ნარატივი, თითქოს უკრაინაში შეჭრა დასავლეთმა, ნატოს გაფართოებამ და უკრაინის აგრესიულმა რიტორიკამ აიძულა. ის ამტკიცებდა, რომ უკრაინა ბირთვულად შეიარაღებას, ყირიმში შეჭრას და დონბასში სადამსჯელო ღონისძიებებს გეგმავდა.

გაიგეთ მეტი: