უკრაინის სახალხო დამცველის, ლუდმილა დენისოვას განცხადებით, ოკუპანტები 19-20 აპრილს მარიუპოლში დაკავებულ უკრაინელ სამხედროებს სასტიკად აწამებენ. მისი თქმით, ერთ-ერთი მოკლული მებრძოლის ფოტო მის დედას გაუგზავნეს.

"ერთ-ერთი მებრძოლი რაშისტებმა არაადამიანური წამების შემდეგ მოკლეს. ამის დამადასტურებელი ფოტო კი დღეს დილით აზოველის დედას გაუგზავნეს. დედა ჰყვება, რომ მისი შვილი რუსებით იყო გარშემორტყმული და რუსულ პროპაგანდისტულ ვიდეოში ფიგურირებდ", — წერს დენისოვა.

დენისოვა ამბობს, რომ რუსები უკრაინელ მშვიდობიან მოქალაქეებს აიძულებენ ტყვედ ჩაბარდნენ, შემდეგ კი, კლავენ. მისივე თქმით, ოკუპანტები ადამიანებს ფარადაც კი იყენებენ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.