რუსეთის საგარეო საქმეთა მინისტრი სერგეი ლავროვი ამტკიცებს, რომ რუსეთი ბირთვული ომით "არავის ემუქრება". როგორც BBC წერს, ლავროვი განმარტავს, რომ ეს არა არის ნატოსთან ომი. მისი თქმით, მოვლენების ასეთი განვითარება "გაზრდის ბირთვული ომის რისკებს, რაც დაუშვებელია".

საგარეო საქმეთა მინისტრი უკრაინას სამშვიდობო მოლაპარაკებების შეფერხებაში ადანაშაულებს. დღეს, 29 აპრილს ზელენსკიმ თქვა, რომ რისკები იმისა, რომ რუსეთთან ნებისმიერი საუბარი მთლიანად დაიხუროს, დიდია. ზელენსკიმ აღნიშნა ისიც, მნიშვნელოვანი, საკითხების გადასაჭრელად მხოლოდ პირდაპირი მოლაპარაკებებია საჭირო უკრაინისა და რუსეთის პრეზიდენტებს შორის.

23 მარტს დმიტრი პესკოვმა განაცხადა, რომ რუსეთისთვის "ეგზისტენციალური საფრთხის შემთხვევაში" ბირთვულ იარაღს გამოიყენებენ. პენტაგონის სპიკერი ჯონ კირბი კი ამბობდა, რომ რუსეთის რიტორიკა ბირთვულ იარაღზე სახიფათოა.

თავად ლავროვმა 25 აპრილს განაცხადა, რომ ბირთვული ომის საფრთხე რეალურია. ამერიკის შეერთებული შტატების გაერთიანებული შტაბის ხელმძღვანელმა, გენერალმა მარკ მილიმ კი ეს განცხადება შეაფასა როგორც უპასუხისმგებლო.

27 აპრილს უკრაინის პრეზიდენტმა, ვოლოდიმირ ზელენსკიმ თქვა, რომ რუსეთს არ აქვს უფლება მსოფლიო ბირთვული იარაღით დააშანტაჟოს.