უკრაინის გენერალური პროკურატურის ინფორმაციით, რუსეთის შეჭრის შემდეგ უკრაინაში 219 ბავშვი დაიღუპა, 398-ზე მეტი კი დაშავდა. უწყების ცნობით, ამ დრომდე არსებული მონაცემებით, საომარ მოქმედებებს ყველაზე მეტი ბავშვი დონეცკსა და კიევის რაიონში ემსხვერპლა.

პროკურატურაში განმარტავენ, რომ ეს ცნობები არ არის სრული, რადგან ვერ ხერხდება დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე.

პროკურატურის განცხადებით, ცნობილი გახდა, რომ მარტის პირველ კვირას ჩერნიგოვის რაიონის სოფელ კრასნესთან, ავტომაგისტრალზე აფეთქდა მანქანა, რის შედეგადაც 2 და 14 წლის ბავშვები დაიღუპნენ.

მათივე ცნობით, დაბომბვების შედეგად დაზიანებულია 1556 სასწავლო დაწესებულება, ხოლო 102 მათგანი მთლიანად განადგურებულია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში