ამერიკის შეერთებული შტატების წარმომადგენელთა პალატამ უკრაინის მხარდასაჭერად ლენდ-ლიზის 2022 წლის აქტი დაამტკიცა. კანონპროექტს 417 მომხრე და 10 მოწინააღმდეგე ჰყავდა.

7 აპრილს ლენდ-ლიზის აქტი აშშ-ის სენატმა მიიღო. კანონპროექტი შემდეგ ეტაპზე განსახილველად პრეზიდენტს გადაეცემა.

ეს აქტი მეორე მსოფლიო ომის დროს იყო გამოყენებული და ახლა, მისი კანონად ქცევის შემთხვევაში, პრეზიდენტ ჯო ბაიდენის ადმინისტრაციას საშუალება ექნება, უკრაინას შეიარაღება და სხვა მარაგები უფრო მარტივად და სწრაფად მიაწოდოს.