საქართველოს ენერგეტიკის განვითარების ფონდი აცხადებს, რომ მიმდინარე წლის აპრილში, ქართლის ქარის ელექტროსადგურის მეირ წარმოებულმა და მიწოდებულმა ელექტრო გენერაციამ 9 412 000 კვტ/სთ შეადგინა.

კომპანია ქართლის ქარის ელექტროსადგურის დირექტორთა საბჭოს თავმჯდომარე თორნიკე ყაზარაშვილი On.ge-სთან საუბრისას ამბობს, რომ აპრილში სადგური თითქმის არ გაჩერებულა და შედეგმა წინასწარ პროგნოზს (7 400 000 კვტ/სთ) გადააჭარბა.

მისივე განმარტებით, ქარის სადგურისგან გამომუშავებული ენერგია საერთო ელექტროსისტემას მიეწოდება და იგი ანაწილებს იმის მიხედვით, თუ სად უფრო მეტი დატვირთვაა.

ქართლის ქარის ელექტროსადგური სატესტო რეჟიმიდან 27 იანვარს მოიხსნა. ენერგეტიკის განვითარების ფონდის ცნობით, ჩართვის დღიდან გამომუშავებული და მიწოდებული ელექტრო ენერგია შეადგენს 39 700 000 კვტ/სთ-ს.

გორში, ქარის ელექტროსადგურის დადგმული სიმძლავრე 20,7 მეგავატია, ხოლო გამომუშავებული 88 მლნ. კვტ/საათი.

ქარისგან მიღებული ენერგია და მისი პოტენციალი საქართველოში