ვოლოდიმირ ზელენსკიმ განაცხადა, რომ ხერსონის დამოუკიდებლობაზე რეფერენდუმის ჩატარების შემთხვევაში უკრაინა ყოველგვარი მოლაპარაკების პროცესს დატოვებს. Unian-ის ინფორმაციით, ამის შესახებ პრეზიდენტმა მეტროს სადგურში პრესკონფერენციაზე ისაუბრა.

"მაგრამ იქ ხალხმა უნდა იცოდეს და არ დაეხმარონ ოკუპანტებს. ადგილობრივები დადიან კარდაკარ, აგროვებენ მონაცემებს. ეს არასწორი ნაბიჯია რუსეთის მხრიდან. ეს ამბობს, რომ ყველა წინა მოლაპარაკება არის ფიქცია და უბრალოდ თეატრი ძალიან ცუდი მსახიობებით", — განაცხადა მან.

გარდა ამისა, ზელენსკის თქმით, მოლაპარაკებებზე უარს იტყვიან, თუ რუსეთი მარიუპოლში მყოფ ხალხს გაანადგურებს. მისი თქმით, 23 აპრილი ერთ-ერთი ყველაზე რთული დღეა ქალაქის მცველებისთვის, რადგან მტერი ისვრის ზღვიდან, ჰაერიდან, ხმელეთიდან. პრეზიდენტმა აღნიშნა, რომ აზოვის მებრძოლებს პრესკონფერენციამდე ერთი საათით ადრე ესაუბრა.

ხერსონში მოსალოდნელ "რეფერენდუმზე" ინფორმაცია არაერთხელ გავრცელდა. 20 აპრილს ხერსონის სამხედრო ადმინისტრაციის ხელმძღვანელმა განაცხადა, რომ ოკუპანტები ფსევდორეფერენდუმს მაისის დასაწყისში გეგმავენ. მიუხედავად იმისა, რომ რეგიონს რუსი სამხედროები აკონტროლებენ, ადგილობრივები ანტიოკუპაციურ აქციებს ხშირად მართავენ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში