პარლამენტის თავმჯდომარემ ირაკლი კობახიძემ, საკონსტიტუციო კომისიის მუშაობისა და ცვლილებების შესაჯამებლად გამართულ პრესკონფერენციაზე განაცხადა, რომ კონსტიტუციის თითქმის ყველა მუხლს შეეხო ცვლილება და მათი უმრავლესობა დაფუძნებულია ექსპერტების წინადადებებზე:

"თითქმის ყველა მუხლს შეეხო ცვლილებები, თითქმის ყველა გადაისინჯა და ამ ცვლილებების, უხეშად რომ თქვათ 80-85 პროცენტი ეფუძნება ექსპერტების, არასამთავრობო ორგანიზაციების და სხვადასხვა კონსტიტუციური ორგანოების წინადადებებს. ეს ყველაფერი ხაზს უსვამს პროცესის ინკლუზიურობას".

კობახიძის შეფასებით, მოქმედი კონსტიტუცია გაუმართავი იყო და ბევრი ხარვეზი ჰქონდა:

"სტრუქტურა იყო აბსოლიტურად არასწორად ჩამოყალიბებული. მუხლების დასათაურებაც კი შეუძლებელი იყო, იმდენად აღრეული იყო სტრუქტურა, მაშინ როდესაც ეს დოკუმენტი უნდა იყოს ერთგვარი სახელმძღვანელო, თუ როგორ უნდა ჩამოყალიბდეს სწორი იურიდიული დოკუმნტი".