ლედი გაგა უკვე დიდი ხანია, იმ ცნობილ ადამიანებს მიეკუთვნება, რომელთა ცხოვრება და შემოქმედება საზოგადოების ყურადღების ცენტრშია. მხოლოდ ნიჭი არ არის ერთადერთი მიზეზი, რის გამოც ცნობილი მომღერალი და მსახიობი თავის გულშემატკივრებს უყვართ, რადგან ლედი გაგამ ბოლო პერიოდში თავი სხვა ბევრი რამითაც დაგვამახსოვრა.

ამ სტატიაში ლედის გაგასთან დაკავშირებულ 7 ფაქტზე გესაუბრებით, რომლებიც ამ ადამიანს სულ სხვა თვალით დაგანახებს და კიდევ უფრო შეგაყვარებს. ეს ისტორიები დაგარწმუნებს, რომ ლედი გაგა ხალხის სიყვარულს მართლაც იმსახურებს.

1. გრემი 2022-ზე ლედი გაგამ დაიჩოქა და გამარჯვებულ კონკურენტს კაბა გაუსწორა

გრემის დაჯილდოებაზე საუკეთესო პოპ შესრულების (დუეტი/ჯგუფი) ნომინაციაში ლედი გაგა და ტონი ბენეტი SZA-ისა Doja Cat-ის დუეტმა დაამარცხა. ჯილდოს მისაღებად SZA სცენისკენ ყავარჯნების დახმარებით გაემართა. მომღერალს გრძელი კაბა ეცვა, რომელიც სიარულისას აიბლანდა. გაგას ბევრი არ უფიქრია, მაშინვე დაიჩოქა და მომღერალს კაბა შეუმჩნევლად შეუსწორა.

2. ლედის გაგას აქტიური მხარდაჭერით ლაიზა მინელიმ ოსკარი 2022-ზე გამარჯვებული წარადგინა

76 წლის ლაიზა საჯაროდ ძალიან იშვიათად ჩნდება, მაგრამ ოსკარის დაჯილდოებაზე ლედი გაგასთან ერთად წლის საუკეთესო ფილმი გამოაცხადა. ლაიზა, რომელიც ახლა ეტლით გადაადგილდება, ლედი გაგას თქმით, არ იყო თავდაჯერებული და არ იცოდა, სცენაზე რა უნდა გაეკეთებინა. თუმცა ლედი გაგას დახმარებით, ლაიზას სცენაზე გამოსვლამ წარმატებით ჩაიარა და ყველასთვის დასამახსოვრებელ მომენტად იქცა.

3. ლედის გაგას გულთბილი დამოკიდებულება აქვს ალცჰაიმერით დაავადებული ტონი ბენეტის მიმართ

ლედი გაგამ და ტონი ბენეტმა 2022 წელს გრემი ვერ მოიგეს, მაგრამ გაგამ მათი ორი სიმღერა მარტომ მაინც შეასრულა. ტონის ალცჰაიმერი აქვს, რის გამოც დაჯილდოებას ვერ დაესწრო, თუმცა ლედი გაგამ მომღერალი ჩანაწერის დახმარებით წარადგინა. ლედი გაგამ სიმღერის შესრულების ბოლოს კი ცრემლები ვერ შეიკავა.

4. როცა ლედი გაგას ძაღლების გამსეირნებელი დაჭრეს, მომღერალმა ის თავის სახლში გადაიყვანა და მკურნალობაში დაეხმარა

2021 წლის დასაწყისში ლედი გაგას ძაღლების გამსეირნებელი მძიმედ დაიჭრა, როცა გამტაცებლისგან მომღერლის ძაღლების გადარჩენას ცდილობდა. ლედის გაგას სამივე ძაღლი სახლში უსაფრთხოდ დაბრუნდა, თუმცა გამსეირნებელი მძიმედ იყო დაშავებული. ლედი გაგამ გამსეირნებელი საკუთარ სახლში გადაიყვანა და გამოჯანმრთელებაში დაეხმარა.

5. ლედი გაგა უფასო ონლაინკურსის შექმნას გეგმავს, რომელიც მენტალური ჯანმრთელობის პრობლემების მქონე ახალგაზრდებს დაეხმარება

ლედი გაგა ქველმოქმედებაშიც აქტიურად არის ჩართული და Jack.org-თან თანამშრომლობის ფარგლებში უფასო ონლაინკურსების შექმნას გეგმავს, რომლებიც მენტალური ჯანმრთელობის შესახებ იქნება. კურსის ფარგლებში ახალგაზრდები თავიანთი მენტალური პრობლემების შესახებ საუბარს შეძლებენ, ხოლო პროფესიონალები მათ დახმარებას შესთავაზებენ.

6. ლედი გაგა თავისი ფანების კრეატიულობას ხშირად აფასებს და მათ ასაქმებს კიდეც

ლედი გაგას თავისი თაყვანისმცემლების ნიჭის შენიშვნა ნამდვილად არ უჭირს. მაგალითად, ლედი გაგამ თავისი თაყვანისმცემლის ჰელენ გრინის ნახატების ნახვის შემდეგ, ის თავის კონცერტზე მიიწვია. კონცერტის შემდეგ ჰელენი გაგას ესაუბრა და მომღერალმა ის Haus of Gaga-ში დაასაქმა.

7. ქველმოქმედება ლედი გაგას ცხოვრების განუყოფელი ნაწილია

ლედი გაგა დიდი ხანია, უამრავ ადამიანს ფინანსურად ეხმარება. მაგალითად, 2017 წელს მომღერალმა ქარიშხლების შედეგად დაზარალებული ოჯახებისთვის 1 მილიონი დოლარი გაიღო. პანდემიის დაწყებისას კი ლედი გაგამ კონცერტ One World: Together At Home-ის ორგანიზებაში მიიღო მონაწილეობა და შედეგად 128 მილიონი დოლარი შეგროვდა, რომლითაც COVID-19-ით დაზარალებულებს დაეხმარნენ.