საფრანგეთის ეკონომიკისა და ფინანსთა მინისტრის, ბრუნო ლე მერის განცხადებით, მხარს უჭერენ სანქციების გაფართოებას რუსული ნავთობის იმპორტის აკრძალვის მიზნით.

"როდესაც ხედავთ რა ხდება დონბასში, როგორც არასდროს, ისეა საჭირო რუსული ნავთობის იმპორტის შეწყვეტა", — განუცხადა ლე მერმა Europe 1-ს.

ლე მერმა თქვა, რომ ნავთობის იმპორტის შეჩერება ნიშნავს ზიანის მიყენებას რუსეთის ხელისუფლების მიერ უკრაინაში ომის დაფინანსებისთვის, რადგან ნავთობი პუტინის რეჟიმის ვალუტის პირველი წყაროა. მინისტრი ამბობს, რომ საფრანგეთი ცდილობდა დაეყოლიებინა ევროპელი პარტნიორები, შეეჩერებინათ რუსული ნავთობის იმპორტი და ზოგიერთი ქვეყანა ამ საკითხთან დაკავშირებით ყოყმანობს.