ბუჩას მერის, ანატოლი ფედორუკის განცხადებით, ბუჩაში მოკლული მოქალაქეების თითქმის 85%-ს ტყვიით მიყენებული ჭრილობები აქვთ. ამის შესახებ ინფორმაციას უკრაინული მედია Ukrinform ავრცელებს.

"ცხედრების თითქმის 85%-ს, რომელიც მასობრივი საფლავებიდან ან ბაღების, პარკების, სკვერებსა და ეზოები ინდივიდუალური სამარხებიდან გამოგვყავს, ნატყვიარები აქვთ. ანუ ბუჩაში შეგნებული განზრახ მკვლელობები მოხდა", — განაცხადა მან.

კიევის ოლქი რუსი ოკუპანტებისგან 2 აპრილს გათავისუფლდა. ირპენმა, ბუჩამ, გოსტომელმა და სხვა ქალაქებმა, სადაც უკრაინის ჯარები შევიდნენ, მსოფლიოს ხელახალი გამოღვიძება აიძულა.

მედიაში გავრცელდა ფოტოები ბუჩას ქუჩებიდან, რომელიც სავსე იყო ცხედრებით — მათ ნაწილს ხელები ჰქონდათ შეკრული, ნაწილის გვერდით ველოსიპედები ეყარა, ნაწილი კი, მინიმუმ, სამი კვირის წინ მაინც იყო მოკლული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში