სამეცნიერო ფანტასტიკის ჟანრის ფილმში, დივერგენტი, ერთ-ერთ უარყოფით პერსონაჟს ოსკაროსანი ბრიტანელი მსახიობი ქეით უინსლეტი ასრულებს, რომელიც ამბობს, რომ გადაღებების დროს ოცნებობდა, მისი პერსონაჟი, შეილინ ვუდლი ეცემა.

დივერგენტში შესრულებული როლი, ქეითის კარიერაში პირველი უარყოფითი როლია.

"შეიძლება ითქვას, რომ ერთ-ერთი მიზეზი ესეც იყო, რის გამოც ამ ფილმში თამაშს დავთანხმდი. ის უამრავ განსხვავებულ რამეს აკეთებს, აქვ ძალა, ინტუიცია, ყველა აკვირდება თუ რას იტყვის და რას გააკეთებს, ძალიან მაგარია როცა ასეთ როლს თამაშობ", - ამბობს ქეითი.

მსახიობი ამბობს იმასაც, რომ ოცნებობდა გადაღებების დროს შეილინ ვუდლის პერსონაჟთან მეტი ჩხუბის სცენა ჰქონოდა.

"როდესაც ფილმს ვუყურებდი და ჩემს პერსონაჟს ვაკვირდებოდი, ვფიქრობდი - ღმერთო ჩემო, ეს ხომ ქალი ჰიტლერია!, სასტიკი პერსონაჟია და არ დავმალავ, გადაღებების დროს ხშირად მინდოდა შეილინ ვუდლი მეცემა, ვოცნებობდი მასთან უფრო მეტი ჩხუბის სცენა მქონოდა", - ამბობს ოსკაროსანი მსახიობი.

შეგახსენებთ, რომ 30 აპრილს ტელეკომპანია GDS დივერგენტის სამ სერიას შემოგთავაზებთ:

  • 15:00 დივერგენტი
  • 17:30 დივერგენტი: მეამბოხე
  • 19:30 დივერგენტი: ერთგული ნაწილი 1