რუსეთის თავდაცვის სამინისტრო კიევს ემუქრება. მათი განცხადებით, ხედავენ იკრაინული ჯარების მიერ დივერსიისა და რუსეთის ტერიტორიაზე არსებულ ობიექტებზე დარტყმის მცდელობებს, რასაც კიევზე დარტყმით უპასუხებენ.

"თუ ასეთი შემთხვევები გაგრძელდება, რუსეთის შეიარაღებული ძალები დაარტყამენ გადაწყვეტილების მიმღებ ცენტრებს, მათ შორის კიევში, რისგანაც რუსული არმია ამ დრომდე თავს იკავებდა", — აცხადებენ რუსულ უწყებაში.

გუშინ, 13 აპრილს უკრაინის პრეზიდენტის ადმინისტარციის მრჩეველმა, ალექსეი არესტოვიჩმა იხუმრა, რომ დაბომბილი რუსული სამხედრო ხომალდი, სავარაუდოდ, არასწორ ადგილას მოწეული სიგარეტის ან უსაფრთხოების წესების დარღვევის გამო იწვის და ისევე არ გაუმართლა, როგორც ბელგოროდს. ამით მან მიანიშნა რუსეთში, ბელგოროდის ნავთობის ბაზაზე გაჩენილ ხანძარზე, რომლის მიზეზადაც რუსეთის ხელისუფლებამ უკრაინული თვითმფრინავების თავდასხმა დაასახელა. უკრაინას ეს ამ დრომდე არ დაუდასტურებია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.