უკრაინის პრეზიდენტმა, ვოლოდიმირ ზელენსკიმ პოლონეთის, ლიეტუვას, ლატვიისა და ესტონეთის პრეზიდენტებითან ერთობლივი ბრიფინგი გამართა და თქვა, რომ ისინი მისი ნამდვილი მეგობრები არიან.

"ომის დაწყებიდანვე უკრაინას პირველებმა დაუჭირეს მხარი — პოლონეთმა, ლიეტუვამ, ლატვიამ და ესტონეთმა. ჩვენ ვგრძნობთ თქვენს დახმარებას ბევრ სფეროში — ევროინტეგრაცია, იარაღი, სანქციები აგრესორის წინააღმდეგ. თქვენ ხართ ნამდვილი მეგობრები, ნამდვილი პარტნიორები. გმადლობთ მნიშვნელოვანი ვიზიტისთვის და ყოველთვის ჩვენთან ყოფნისთვის", — ამბობს ზელენსკი.

დღეს, 13 აპრილს პოლონეთის, ლიეტუვას, ლატვიისა და ესტონეთის პრეზიდენტები უკრაინაში ჩავიდნენ. მათ კიევის რეგიონი მოინახულეს და ოკუპანტების მიერ განადგურებულიი ქუჩები ნახეს.

კიევში უკვე იმყოფებოდა ბრიტანეთის პრემიერმინისტრი, ავსტრიის კანცლერი, ევროკომისიის პრეზიდენტი, საგარეო საქმეთა და უსაფრთხოების პოლიტიკის სფეროში ევროკავშირის უმაღლესი წარმომადგენლი ჯოზეფ ბორელი, ევროპარლამენტის პრეზიდენტის, რობერტა მეცოლა და სხვა ლიდერები.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.