განათლების სამინისტროს ინფორმაციით, თბილისის 41-ე საჯარო სკოლაში უკრაინული სექტორი გაიხსნა. უწყების ცნობით, დღეიდან მოსწავლეებს საქართველოში ზოგადი განათლების მიღება მშობლიურ ენაზე შეეძლებათ.

გახსნის ღონისძიებას განათლების მინისტრი, მიხეილ ჩხენკელი და საქართველოში უკრაინის საქმეთა დროებითი რწმუნებული, ანდრეი კასიანოვი ესწრებოდნენ.

რუსეთის შეჭრის გამო დაზარალებული მოსწავლეები, რომლებიც უკრაინაში სწავლის გაგრძელებას ვერ ახერხებენ, საქართველოს სკოლებში გამარტივებული წესით ირიცხებიან.