ცოტა ხნის წინ შევიტყვეთ, რომ HBO-ს საკულტო სერიალის სამეფო კარის თამაშების მსახიობები ტელევიზიის ისტორიაში ყველაზე დიდ ჰონორარებს მიიღებენ.

როგორც აღმოჩნდა, პატივს მხოლოდ ცოცხალ პერსონაჟებს არ სცემენ. მაგალითად, ბერკლის უნივერსიტეტი საზაფხულო კურსებს იწყებს, სადაც შოუს მაყურებლები შეძლებენ სპეციალურად სამეფო კარის თამაშებისთვის შექმნილი დოთრაკიული ენა შეისწავლონ.

კურსი, სახელად "სამეფო კარის ლინგვისტიკა და ენების გამოგონების ხელოვნება" 6 კვირის განმავლობაში გაგრძელდება და მას 40 სტუდენტი დაესწრება.

სერიალის დაწყებამდე სულ უფრო ცოტა დრო რჩება და შეგახსენებთ, რომ მეშვიდე სეზონის შესახებ უკვე ბევრი რამ ვიცით, მაგალითად, ის, რომ სამეფო კარის თამაშების მეშვიდე სეზონის ერთ-ერთი მთავარი ფიგურა ეურონ გრეიჯოი იქნება, ჯონ სნოუ და დაენერის ტარგარიენი კი როგორც იქნა ერთმანეთს შეხვდებიან. სავარაუდოდ, ისინი სერსეი ლანისტერის წინააღმდეგ ალიანსის შექმნას გადაწყვეტენ, თუმცა, სავარაუდოდ, ეს საკმაოდ რთული საქმე იქნება, რადგან ლინა ჰიდიმ ერთ-ერთ ინტერვიუში სერსეი ლანისტერის ბედზე ისაუბრა და თქვა, რომ მისი პერსონაჟი აუცილებლად გააკეთებს იმას, რაც მას დასჭირდება იმისთვის, რომ დარჩეს ძლიერ და ძალაუფლების მქონე პერსონაჟად.

თავად ავტორი, ჯორჯ მარტინი კი გვაფრთხილებს, რომ ბედნიერი დასასრულის იმედი არ უნდა გვქონდეს.

სერიალის ახალი სეზონი 16 ივლისს დაიწყება.