პენტაგონის პრესსპიკერის, ჯონ კირბის განცხადებით, კრამატორსკის რკინიგზის სადგურზე მომხდარი თავდასხმა რუსეთის სისასტიკის ნაწილია. როგორც CNN წერს, კირბი ამბობს, რომ რუსეთის განცხადებები იმასთან დაკავშირებით, რომ დაბომბვაში არ მონაწილეობდნენ, არადამაჯერებელია.

"ჩვენი შეფასებით, ეს იყო რუსეთის მიერ განხორციელებული დარტყმა და ამისთვის მცირე რადიუსის ბალისტიკური რაკეტა გამოიყენეს", — ამბობს ის.

ამ დროის მონაცემებით, კრამატორსკის რკინიგზის სადგურზე თავდასხმის შედეგად 50-მდე ადამიანი დაიღუპა, მათგან 5 ბავშვია. დონეცკის ოლქის სამხედრო ადმინისტრაციის ხელმძღვანელის თქმით, 12 ადამიანი საავადმყოფოში გადაყვანის შემდეგ გარდაიცვალა.

რუსეთი რკინიგზის სადგურზე თავდასხმას უარყოფს და ამასაც უკრაინას აბრალებს. დაბომბვიდან მალევე ეს პროპაგანდისტული მესიჯები გავრცელდა კრემლის მედიების, TASS-ისა და RIA-ს ტელეგრამებზე.

ამავე თემაზე: