ინტერნეტსა და სოციალურ მედიაში ათასგვარ რჩევას გადააწყდები, რომლებიც ყოველდღიურობაში მეტ კომფორტსა და სარგებლის მოტანას გვპირდება. ოდესმე გიცდიათ მსგავსი რჩევების გათვალისწინება?

აი, რედიტის მომხმარებლებმა კი ზოგიერთი მსგავსი ხრიკი თავიანთ თავებზე გამოცადეს და დატესტვის შემდეგ სხვებსაც გაუზიარეს პირადი წარმატებული გამოცდილება.

ქვემოთ რამდენიმე ასეთ პრაქტიკულ გზას გთავაზობთ, რომლებიც შეიძლება თქვენც კი გამოგადგეთ ცხოვრების გასამარტივებლად და პრობლემების შესამსუბუქებლად:

1. იმის ნაცვლად, რომ ბოდიში იმ ქმედებების ან გარემოებების გამო მოიხადო, რომლებსაც პატიების თხოვნა არ სჭირდება, უბრალოდ მადლობის თქმა სცადე

"მე ქრონიკულად ვიხდი ბოდიშს და ეს ხრიკი ძალიან დამეხმარა. მაგალითად, ადრე თუ ცუდი დღე მქონდა და ჩემს ქმარს ბოდიშს განწყობის გაფუჭებისთვის ვუხდიდი, ახლა ვამბობ: "მადლობა, რომ მომისმინე და მხარში დამიდექი", ეს უბრალო ცვლილება თქვენს ურთიერთობას ბევრად უფრო მადლიერ და პოზიტიურ განწყობას უქმნის"— u/thegracefuldork

დეპრესიითა და შფოთვით შეწუხებული ადამიანებიც კი ამბობენ, რომ ბოდიშის მოხდის "მადლობის" სახით მიწოდება თავს უკეთესად აგრძნობინებთ.

2. თუ პლასტმასის ბოთლში მოთავსებულ წამალს სისტემატურად სვამ და არ გახსოვს ხოლმე, მიიღე თუ არა უკვე საჭირო დოზა, ყოველი დალევის შემდეგ ბოთლი ჩააბრუნე, თავდაყირა დააყენე და იმაზე ფიქრი აღარ დაგტანჯავს, მიიღე თუ არა აბი

3. არ დადო მაღვიძარა საწოლთან ან იმ ადგილთან ახლოს, სადაც გძინავს. როცა დარეკავს, ვერ მიწვდები, წამოდგომა მოგიწევს და ასე უფრო მალე გაიღვიძებ

4. დაძინებამდე ბალიში ფეხებს შორის მოაქციე. ძილის ეს პოზა ზურგის ტკივილის შემსუბუქებაში დაგეხმარება

"ყოველ ღამე მუხლებს შორის ბალიშით ვიძინებ და ახლა წელის ტკივილები აღარ მაწუხებს" — u/fiddyk50

5. საყიდლების სია მაცივარზე მიამაგრე და საჭირო პროდუქტების ყიდვა აღარ დაგავიწყდება

6. კანის ეფექტიანად დასატენიანებლად სახის საცხი შხაპის მიღებისთანავე გამოიყენე. კანს ეს პროცედურა ყველაზე მეტად სწორედ ამ დროს სჭირდება

7. დილა წყლის დალევით დაიწყე

დილის ეს რუტინა თქვენს ჯანმრთელობას გააუმჯობესებს და დაბერებასაც შეუშლის ხელს.

8. ყოველ დილით, სამსახურში წასვლამდე და მის გარეშეც, არ დაივიწყო საწოლის გასწორება

"სამსახურში წასვლის წინ საწოლის გასწორება, რაც არ უნდა დაღლილი ვიყო, ძალიან მეხმარება. როცა ამის კეთება დავიწყე, ისეთი პატარა და სულელური მეჩვენებოდა... მაგრამ ახლა, როცა სახლში ვბრუნდები, გასწორებული საწოლის ნახვა ჩემზე ძალიან სასიამოვნოდ მოქმედებს. ეს წვრილმანი დიდ სიხარულს და კმაყოფილებას იწვევს ჩემში და ასევე მაძლევს იმედს, გავაცნობიერო, რომ ჩემს ცხოვრებაში მცირე დეტალების გაკონტროლება შემიძლია. პატარა ნაბიჯები ხომ მაინც ნაბიჯებია!"