სტრატეგია აღმაშენებლის ლიდერის, გიორგი ვაშაძის განცხადებით, უკრაინის დაზვერვის ბრალდებას სჭირდება მტკიცებულებები, ამის გარეშე კი ის საბოლოო პოზიციას ამ საკითხზე ვერ ჩამოაყალიბებს.

"ამ უმძიმეს ბრალდებას სჭირდება მტკიცებულებები. მე, როგორც ჩემი ქვეყნის პატრიოტი, სანამ მტკიცებულებებს არ ვნახავ, საბოლოო პოზიციას ამ საკითხზე ვერ და არ ჩამოვაყალიბებ. აქვე უნდა ვთქვათ, იმისათვის, რომ დაიხუროს ეს საკითხი, კონკრეტულ ქმედებებს უნდა ჰქონდეს ადგილი საქართველოს მხრიდან, მათ შორის, ჩემი აზრით, დაუყოვნებლივ ამერიკულ, ბრიტანულ და ევროკავშირის სპეცსამსახურებთან ერთად უნდა მოხდეს სრულად შესწავლა იმ ტვირთების, რა შემოდის და რა გაედინება რუსეთის მიმართულებით საქართველოს მხრიდან, რომ თუ ეს არის ტყუილი, დაიხუროს ამ საკითხზე ყოველგვარი მსჯელობა", — ამბობს ვაშაძე.

უკრაინის დაზვერვა აცხადებს, რომ რუსეთი ცდილობს საქართველოს ტერიტორიიდან კონტრაბანდული საქონლის შეტანას, რაშიც საქართველოს მთავრობა ხელს უწყობს. მათი ინფორმაციით, ქართულმა სპეცსამსახურებმა მიიღეს დავალება პოლიტიკური პირებისგან, არ ჩარეულიყვნენ ამ საკითხში.

პასუხად ფინანსთა სამინისტრომ განაცხადა, რომ ეს დაუსაბუთებელი და აბსურდული ბრალდებაა. უწყების თქმით, რუსეთისთვის სანქციების დაწესების დღიდან საქართველო ახორციელებს უმკაცრეს კონტროლს ქვეყნის ყველა საბაჟო პუნქტზე.

ქართული ოცნების თავმჯდომარემ, ირაკლი კობახიძემ კი უკრაინის განცხადებას ალოგიკური უწოდა. მან ამ შემთხვევაშიც ნაციონალური მოძრაობის როლზე ისაუბრა და თქვა, რომ ადამიანები, რომლებიც საქართველოში ოპოზიციაში არია, უკრაინის ხელისუფლების ნაწილი არიან.

ამავე თემაზე: