უკრაინის პრეზიდენტი ვოლოდიმირ ზელენსკი აცხადებს, რომ უნგრეთის პრემიერმინისტრს, ვიქტორ ორბანს ეშინია რუსეთის გავლენის თავის სახელმწიფოზე. მისი თქმით, ურბანთან ურთიერთობის დამყარება უნდოდა, რამდენჯერმე დაურეკა, შეხვედრა შესთავაზა, მაგრამ მას ეშინოდა ჯერ კიდევ არჩევნებამდეც.

"უნგრეთში პრემიერმინისტრი აირჩიეს. მასთან ურთიერთობის დამყარება მინდოდა, ეს სიმართლეა. მე თვითონ რამდენჯერმე დავურეკე, შეხვედრაზე მოვიწვიე, მასთან შეხვედრა შევთავაზე. მას ეშინოდა, ეს იყო ჯერ კიდევ არჩევნებამდე... მას ეშინია რუსეთის ფედერაციის გავლენის თავის სახელმწიფოზე, ეს გავლენა იქ არის. სხვა საქმეა, მოსწონს თუ არა მას ეს გავლენა, ეს მისი პირადია, მაგრამ მიუხედავად ამისა, ბუდაპეშტში ხალხი მოედანზე გამოვიდა, ჩვენ ვნახეთ ათიათასობით ადამიანი. მესმის, როგორი დამოკიდებულება აქვთ უკრაინელების მიმართა, დარწმუნებული ვარ, დადებითი. ასე მგონია, როგორმე ვიცხოვრებთ. ბუდაპეშტში ოფიციალური მოკავშირე არც გვყოლია", — ამბობს უკრაინის პრეზიდენტი.

ამასთან, ზელენსკი მიიჩნევს, რომ უნგრეთი არ დაბლოკავს ევროკავშირში უკრაინის გაწევრიანებას და უკრაინას სხვა არაფერი სჭირდება მისგან.

"ჩემი აზრით, მას მოუწევს არჩევანის გაკეთება რუსეთსა და დანარჩენ მსოფლიოს შორის. მან დაბლოკა ნატოში გაწევრიანება და ისევ დაბლოკავს, მაგრამ ყველაფერი მასზე არ არის დამოკიდებული... და მეორე არის ევროკავშირი. უნგრეთი შეიძლება იყოს ერთი იმ სამი სახელმწიფოდან, რომლებსაც შეუძლიათ დაბლოკონ ან არ დაუჭირონ მხარი უკრაინის ევროკავშირში გაწევრიანებას. მე ვფიქრობ, რომ ის ამას არ გააკეთებს, რადგან ეს არის რუსეთის სრული მხარდაჭერა. ჩვენ სხვა არაფერი გვჭირდება მისგან", — განაცხადა მან.

უნგრეთის პრემიერმინისტრმა, ვიქტორ ორბანმა საპარლამენტო არჩევნებში გამარჯვება მოიპოვა და იგი ხელისუფლებაში მე-4 ვადით იქნება.