უკრაინის საგარეო საქმეთა მინისტრის, დმიტრო კულებას განცხადებით, ელის საქართველოს ახალ საგარეო საქმეთა მინისტრთან, ილია დარჩიაშვილთან მუშაობას. ის ტვიტერზე წერს, რომ საქართველოს სრული მხარდაჭერის იმედი აქვს.

"მოუთმენლად ველით საქართველოს საგარეო საქმეთა ახლად დანიშნულ მინისტრ ილია დარჩიაშვილთან ერთად მუშაობას უკრაინასა და საქართველოს შორის სტრატეგიული პარტნიორობის შემდგომი გაძლიერების მიზნით. რუსეთის აგრესიის წინააღმდეგ ბრძოლაში საქართველოს სრული მხარდაჭერის იმედი გვაქვს", — დაწერა მან.

ახალი საგარეო საქმეთა მინისტრი გუშინ, 4 აპრილს დანიშნა. ის მთავრობის ადმინისტრაციის ყოფილი უფროსი ილია დარჩიაშვილია. პრემიერმა თქვა, რომ ახლა ქვეყანა ბევრი გამოწვევის წინაშე დგას და ამ სიტუაციაში საჭიროა აქტიურობა ქვეყნის მთავარი ეროვნული მიზნის მისაღწევად.

ყოფილი მინისტრი დავით ზალკალიანი აშშ-ის სრულუფლებიანი ელჩი გახდება. პრემიერმინისტრის თქმით, აშშ საქართველოსთვის ყველაზე მნიშვნელოვანი პარტნიორია და ელჩად ზალკალიანის დანიშვნით "ყველაფერი არის ნათქვამი".