ამერიკის შეერთებული შტატები რუსეთს ახალ სანქციებს უწესებს, ამჯერად ის ტექნოლოგიურ სექტორს შეეხება.

"ჩვენ ვაგრძელებთ პუტინის ომის მანქანის სანქცირებას, ყველა მიმართულებით, სანამ მისი არჩეული უაზრო ომი დასრულდება", — განაცხადა სახელმწიფო ხაზინის მდივანმა, ჯანეტ იელენმა.

სახაზინო დეპარტამენტმა სანქციები დაუწესა 21 სუბიექტსა და 13 ადამიანს. მათ შორისაა, სააქციო საზოგადოება Mikron, რომელიც ჩიპების და მიკროელექტრონული საშუალებების მწარმოებელი და ექსპორტიორი უმსხვილესი კომპანიაა.

სანქციები შეეხება, ასევე, მოსკოვში დაფუძნებულ Serniya Engineering და აღჭურვილობის მწარმოებელ კომპანია Sertal-ს. ორივე მათგანი სახაზინო დეპარტამენტმა რუსეთის თავდაცვის სექტორისთვის აღჭურვილობისა და ტექნოლოგიების უკანონო შესყიდვაში დაადანაშაულა.

გარდა ამისა, გაიყინება სანქცირებულთა აქტივები აშშ-ში, ხოლო ამერიკის მოქალაქეებს მათთან ურთიერთობა აეკრძალებათ.