გერმანიის მთავრობის სპიკერის განცხადებით, კანცლერმა ოლაფ შოლცმა უკრაინის პრეზიდენტ ვოლოდიმირ ზელენსკის განუცხადა, რომ გერმანია მზად არის უკრაინის უსაფრთხოების გარანტორი იყოს.

სპიკერის თქმით, შოლცმა "ზოგადი მზადყოფნა" ზელენსკისთან სატელეფონო საუბრისას გამოთქვა. ამასთანავე, მთავრობის სპიკერმა განაცხადა, რომ არ სურს სპეკულირება იმის შესახებ, მოიცავს თუ არა უსაფრთხოების გარანტორის როლი სამხედრო კომპონენტსაც.