საინიციატივო ჯგუფის განცხადებით, ელენე ბაქრაძის (დარიანის) წიგნის ახალი ტირაჟი მზადაა და ის გადაეცემა ყველა შემომწირველს, მიუხედავას გადმორიცხული თანხის ოდენობისა.

"სიხარულით გაცნობებთ, რომ ელენე ბაქრაძე (დარიანის) წიგნის ახალი ტირაჟი მზადაა და გელოდებათ ლიტერატურის მუზეუმი. მისამართი: გ.ჭანტურიას ქ. 8.

ჩვენ მივიღეთ გადაწყვეტილება, რომ წიგნი გადაეცემა ყველა შემომწირველს მიუხედავად გადმორიცხული თანხის ოდენობისა.

გთხოვთ, მობრძანდეთ და მიიღოთ კუთვნილი ეგზემპლარი — პარასკევს, 1 აპრილს, 5 საათიდან 7 საათამდე და შაბათს, 11-დან 5 საათაამდე ლიტერატურის მუზეუმში", — ვკითხულობთ განცხადებაში.

წიგნი თავდაპირველად გიორგი ლეონიძის სახელობის ქართული ლიტერატურის მუზეუმმა გამოსცა, თუმცა, მასში შეცდომით აღმოჩნდა ანა კალანდაძის ორი ლექსი. ამის შემდეგ, საქართველოს კულტურის, სპორტისა და ახალგაზრდობის სამინისტრომ დაბეჭდილი ტირაჟის დაბრუნება მოითხოვა და განაცხადა, რომ აღნიშნულ საკითხს სამომავლოდ "სერიოზულად" განიხილავდა მუზეუმის დირექტორთან და კრებულის ერთ-ერთი შემდგენელთან, ლაშა ბაქრაძესთან.

ტირაჟის ამოღების მიუხედავად, წიგნზე სოციალურ ქსელში მაინც დიდი მოთხოვნა გაჩნდა და სწორედ ამაზე საპასუხოდ შეიქმნა საინიციატივო ჯგუფი, რომელმაც განმარტა, რომ 500-ეგზემპლარიანი ტირაჟის დასაბეჭდა მუზეუმმა 6 280 ლარი დახარჯა, რომელიც სამინისტროს უნდა დაუბრუნოს და ამდენივეა საჭირო ხელახლა დასაბეჭდად.

ამავე თემაზე: